Вы тут

Германія зацікаўлена ў імпарце беларускіх тавараў


Аб гэтым паведаміў старшыня германска-беларускай парламенцкай групы Бундэстага Германіі Марк Хаўптман на сустрэчы са старшынёй Пастаяннай камісіі Палаты прадстаўнікоў Нацыянальнага сходу Беларусі па міжнародных справах Андрэем САВІНЫХ.


Фота БелТА.

Беларускі парламентарый падкрэсліў: Беларусь разглядае Германію як ключавога партнёра ў Еўрапейскім саюзе. Размова ідзе, у прыватнасці, аб сацыяльных аспектах — досведзе ФРГ па фарміраванні грамадзянскай суполкі, рэалізацыі інтарэсаў розных сацыяльных груп, адзінай праграме развіцця краіны.

«Надзвычайна цікавы германскі вопыт па ўзаемадзеянні бізнесу і грамадства. Германія — першы і галоўны партнёр, асабліва ў галіне мадэрнізацыі эканомікі, паставак высакаякаснага абсталявання», — працягнуў Андрэй Савіных.

Дэпутат бачыць перспектывы для паглыблення прамысловай кааперацыі ў энергетыцы, хімічнай прамысловасці, машына- і прыборабудаванні, развіцці электратранспарту, а таксама ў галіне інфармацыйных тэхналогій.

«Германія зацікаўлена ў падтрымцы інвестыцыйных працэсаў ад нямецкіх фірм на тэрыторыі Беларусі. У той жа меры мы хочам развіваць экспарт беларускіх вырабаў у Германію і ў Еўропу ўвогуле», — у сваю чаргу адзначыў Марк Хаўптман. Журналістам ён паведаміў, што вялікі патэнцыял для супрацоўніцтва бачыць у галінах лічбавізацыі, будаўніцтва сельскагаспадарчай тэхнікі і электратранспарту, лагістыцы.

Андрэй Савіных нагадаў журналістам і пра магчымасць пашырэння ўзаемадзеяння праз вытворчасць кампанентаў для тэхнікі.

«У нас ужо ёсць станоўчы досвед у галіне аўтамабілебудавання. Гэта трэба развіваць і ўсяляк пашыраць гэтую практыку», — выказаў меркаванне дэпутат.

Варвара МАРОЗАВА

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...