Вы тут

Як разабрацца ў нюансах тэхнічных прафесій?


Фестываль навукі і лічбавых тэхналогій DіgіPhys 3.0 пройдзе ў ГрДУ імя Янкі Купалы 8 лютага. У першую чаргу ён арыентаваны на школьнікаў і навучэнцаў каледжаў, якім цікавыя фізіка, інфарматыка, электроніка і робататэхніка.


— Фестываль пройдзе ў абноўленым фармаце, без дакладаў і ўрачыстай часткі. Госці змогуць адразу акунуцца ў атмасферу навукі і тэхналогій, — падкрэслівае дэкан фізіка-тэхнічнага факультэта Андрэй ГЕРМАН. — Варта адзначыць, што папярэднія мерапрыемствы наведала больш за тры тысячы гасцей.

Практычная частка фестывалю прадугледжвае больш за 20 займальных дэманстрацый, майстар-класаў і экскурсій ад навукоўцаў і студэнтаў універсітэта, а таксама ад партнёраў фестывалю. Падлеткі змогуць паспрабаваць сябе ў розных ІT-прафесіях, напрыклад, у якасці распрацоўшчыка праграмнага забеспячэння або вэб-дызайнера, «навучыць» штучны інтэлект і атрымаць электрычнасць з садавіны і гародніны. Юныя фізікі ўбачаць у рабоце 3D-прынтар, маніпулятар з тэхнічным зрокам, мабільнага робата, лічбавую лабараторыю і іншае ўнікальнае абсталяванне, а таксама паспрабуюць сябе ў ролі інжынера-праграміста і робататэхніка.

Для вучняў выпускных класаў выкладчыкі фізіка-тэхнічнага факультэта правядуць прафарыентацыйныя кансультацыі па тэхнічных прафесіях, раскажуць, які шлях выбраць, каб стаць інжынерам-праграмістам, робататэхнікам, электронікам, энергетыкам або электрамеханікам, а таксама правядуць экскурсіі па ўніверсітэце. Выпускнікі даведаюцца аб такіх сучасных і прэстыжных спецыяльнасцях, як «Камп'ютарная фізіка», «Прамысловыя робаты і робататэхнічныя комплексы», «Інфармацыйна-вымяральная тэхніка».

Гасцей таксама чакаюць мерапрыемствы ад партнёраў фестывалю, дзе ім прапануюць убачыць унікальнае для Гродна абсталяванне і паспрабаваць сябе ў ролі інжынера-робататэхніка, вырабіць электронную паштоўку, наведаць заняткі па робататэхніцы з дэманстрацыяй незвычайных мадэляў робатаў.

Акрамя таго, у рамках DіgіPhys адбудзецца абласны этап XІ Рэспубліканскага конкурсу навукова-тэхнічнай творчасці навучэнскай моладзі «Тэхнаінтэлект».

Удзел у фестывалі бясплатны, але неабходна прайсці электронную рэгістрацыю і запоўніць форму ўдзельніка па спасылцы.

Удзельнікі таксама могуць далучыцца да групы фізіка-тэхнічнага факультэта ў сацыяльных сетках «УКантакце» і Іnstagram, дзе будзе размешчана ўся актуальная інфармацыя і фотарэпартаж пра мерапрыемства.

Надзея НІКАЛАЕВА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.