Вы тут

Як палепшыць пазнавальнасць дэпутатаў сярод моладзі, якая «сядзіць у гаджэтах»?


Сёння ў 14-ты раз сусветная суполка адзначае свята, мэта якога — нагадаць пра важнасць дэмакратычных выбараў, павышэнне актыўнасці выбаршчыкаў, а таксама нагадаць палітыкам аб іх адказнасці за ўмацаванне дэмакратыі, — Сусветны дзень выбараў.

Паказальна, што менавіта да гэтай даты быў прымеркаваны візіт мінскіх школьнікаў у Палату прадстаўнікоў і іх сустрэча са старшынёй Цэнтральнай камісіі па выбарах і правядзенні рэферэндумаў Лідзіяй ЯРМОШЫНАЙ.


— Мы запрасілі самых актыўных маладых людзей — лідараў пярвічных арганізацый БРСМ школ, удзельнікаў клуба «Малады выбаршчык», актывістаў праекта «Крок» — тых дзяўчат і хлопцаў, якім неабыякава будучыня нашай краіны, — расказаў журналістам член Пастаяннай камісіі па адукацыі, культуры і навуцы Сяргей КЛІШЭВІЧ. — Думаю, ім цікава паглядзець знутры, як працуе вышэйшы заканадаўчы орган краіны, пагутарыць з кіраўніком Цэнтрвыбаркама. Думаю, нехта з іх, магчыма, стане і дэпутатам. Калі вучыўся ў школе, я прыходзіў у парламент на экскурсію, а сёння прадстаўляю ў ім Кастрычніцкую выбарчую акругу № 97 горада Мінска.

Па меркаванні дэпутата, беларускай выбарчай сістэме бракуе сучасных тэхналогій. У мінулыя выбары можна было выкарыстоўваць мабільную праграму «Галасую!», распрацаваную членамі Беларускага рэспубліканскага саюза моладзі, з дапамогай якой выбаршчык па дамашнім адрасе мог знайсці сваю выбарчую акругу, участак для галасавання, а таксама атрымаць інфармацыю пра кандыдатаў у дэпутаты. Сяргей Клішэвіч выказаў упэўненасць, што падобная ідэя будзе рэалізавана на сёлетніх прэзідэнцкіх выбарах, але, на яго думку, у Беларусі падчас выбараў варта ўкараняць і іншыя сучасныя формы.

— Магчыма, галасаванне па інтэрнэце дачаснае, але іншыя тэхналогіі маюць права на жыццё, — лічыць ён. — Зараз актывісты БРСМ Беларускага дзяржаўнага універсітэта інфарматыкі і радыёэлектронікі прапанавалі распрацаваць мабільную праграму «Мой дэпутат», праз якую можна будзе атрымаць дадзеныя аб гадзінах прыёму дэпутата, кантакты яго і яго памочніка, мець зносіны з ім у рэжыме анлайн праз сацыяльныя сеткі. Пазнавальнасць дэпутата — актуальная праблема, і моладзі, якая «сядзіць у гаджэтах», трэба прапанаваць адпаведную форму, таму такая ініцыятыва, мяркую, павінна атрымаць падтрымку.

Лідзія Ярмошына паведаміла маладым людзям, што падобныя сустрэчы будуць традыцыйныя, такім чынам робяць і цэнтрвыбаркамы іншых краін. Яна расказала пра структуру беларускага парламента, выбарчую сістэму і выбары ў Беларусі, кампетэнцыю і статус Цэнтральнай выбарчай камісіі, рэферэндумы, якія праходзілі ў нашай краіне.

— Наша мажарытарная сістэма чым добрая? Па-першае, яна ўлічвае меркаванне большасці выбаршчыкаў, па-другое, дазваляе прагаласаваць за канкрэтную персону. Але яе слабым бокам з’яўляецца тое, што не ўлічваецца меркаванне меншасці, — патлумачыла старшыня ЦВК будучым выбаршчыкам. — У той час як прапарцыянальная сістэма дазваляе пачуць галасы меншасці выбаршчыкаў і садзейнічае развіццю палітычных партый, якія фарміруюць палітычны фон і палітычную эліту. У нашай краіне адбываецца дыскусія пра тое, што, магчыма, надышоў час перайсці да змешанай сістэмы, але ніякіх канкрэтных прапаноў пра ўнясенне змяненняў у Канстытуцыю, нашы заканадаўчыя акты пакуль не выпрацавана і ў парламент не ўносілася. Прэзідэнт не так даўно сказаў, што мажарытарная сістэма ў нашай краіне яшчэ не выпрацавала свой рэсурс і можа паспяхова выкарыстоўвацца.

Лідзія Ярмошына дадала, што ў Беларусі самы малы Цэнтрвыбаркам і самыя танныя, чым недзе, выбары. «У нашай краіне выбары каштуюць парадку 10–11 мільёнаў долараў, або менш за 2 долары на выбаршчыка — гэта вельмі мала, таму што многае ўскладзена на дзяржаўныя органы кіравання і ўлады, — звярнула яна ўвагу аўдыторыі. — Ва ўсіх суседніх дзяржавах — 10–15 долараў на выбаршчыкаў каштуе выбарчая кампанія».

Вольга МЯДЗВЕДЗЕВА

Фота БЕЛТА

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».