Вы тут

Аляксандр Лукашэнка і Уладзімір Пуцін правялі сустрэчу ў Сочы


Прэзідэнт Беларусі Аляксандр Лукашэнка заявіў, што падчас перагавораў з Прэзідэнтам Расіі Уладзімірам Пуціным у фармаце сам-насам удалося абмеркаваць многія пытанні. Лідары краін сустрэліся ў пашыраным фармаце, перадае БЕЛТА.


«Мы сапраўды шмат аб чым пагаварылі, дайшлі да глыбіні сівых часоў у нашым сумесным жыцці ў адной дзяржаве, абмеркавалі шмат гістарычных дат і момантаў (яны вядомыя). І не толькі абмеркавалі пытанні, як Уладзімір Уладзіміравіч сказаў, што ўяўляюць узаемную цікавасць, але тыя, што тычацца і многіх нашых суседзяў, былых краін Савецкага Саюза, той палітыкі, якая цяпер праводзіцца намі, імі. Пра многае пагаварылі, дайшлі да сучаснасці і вырашылі ўжо не адзін на адзін, а з тымі, хто ўключаны ў гэты працэс, працягнуць нашу размову», - адзначыў Аляксандр Лукашэнка.

Паводле яго слоў, потым лідары краін зробяць паўзу і працягнуць перамовы ў пашыраным складзе пасля прыбыцця астатніх членаў расійскай дэлегацыі. «У нас у праграме ёсць і іншыя пытанні. Калі прыедуць члены расійскай дэлегацыі сюды (неба нібыта ўжо праяснілася), тады мы і працягнем нашу гутарку. А наогул ёсць пра што гаварыць, ёсць над чым працаваць», — рэзюмаваў беларускі лідар.


Прэзідэнты Беларусі і Расіі Аляксандр Лукашэнка і Уладзімір Пуцін праводзяць сустрэчу ў сочынскай Чырвонай Паляне ў доме прыёмаў афіцыйных дэлегацый «Лаура», перадае БелТА.

Учора Прэзідэнт Беларусі Аляксандр Лукашэнка прыбыў з рабочым візітам у горад Сочы Расійскай Федэрацыі.

Сёння, 7 лютага, у Сочы праходзіць сустрэча з Прэзідэнтам Расіі Уладзімірам Пуціным. У прэс-службе беларускага лідара расказалі, што кіраўнікі дзяржаў абмяркуюць шырокі комплекс пытанняў, якія стаяць на парадку дня беларуска-расійскага супрацоўніцтва.

Аб плануемай сустрэчы з Прэзідэнтам Расіі Аляксандр Лукашэнка расказаў 4 лютага падчас размовы з журналістамі на папяровай фабрыцы ў Добрушы Гомельскай вобласці. Ён падкрэсліў, што Беларусь хоча самых цёплых, добрых і сяброўскіх адносін з братэрскім народам Расіі, аднак звярнуў увагу на шэраг праблемных пытанняў, якія застаюцца ў міждзяржаўным супрацоўніцтве. Яны, у прыватнасці, датычацца пытанняў фарміравання цэн і паставак у Беларусь расійскіх энергарэсурсаў — газу і нафты.

У цэлым кіраўнік дзяржавы яшчэ раз заклікаў да канструктыўнага супрацоўніцтва.

Фота БЕЛТА

Загаловак у газеце: Размова на вышэйшым узроўні

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.