Вы тут

У Брэсце прайшлі вучэнні па барацьбе з распаўсюджваннем каранавіруса


Вучэнні адбыліся на базе абласной інфекцыйнай бальніцы. Паводле легенды, з пункта пропуску «Варшаўскі мост» прыйшло паведамленне аб тым, што мяжу перасякае дзяўчына з характэрнымі сімптомамі: высокая тэмпература, кашаль. Важнае ўдакладненне, дзяўчына напярэдадні прыляцела ў Варшаву з Кітая. На пагранпераход выехала машына хуткай дапамогі, а ў бальніцы сталі рыхтаваць асобную палату.


Медыкі выкарысталі спецыяльныя супрацьчумныя касцюмы, а пацыентку змясцілі ў біябокс для транспарціроўкі. Перад гэтым яе агледзеў урач. Пасля таго як «хворую» даставілі ў бальніцу, каталку, бокс, касцюмы ўрачоў апрацавалі спецыяльнымі сродкамі. І ўжо ў бальніцы правялі патрэбныя маніпуляцыі, узялі аналізы.

Як адзначыў начальнік галоўнага ўпраўлення аховы здароўя Брэсцкага аблвыканкама Віктар МІХАЙЛОЎСКІ, дакладнасць і зладжанасць дзеянняў усіх службаў вельмі важная на шляху заслоны для пранікнення каранавіруснай інфекцыі на тэрыторыю краіны. Асабліва гэта актуальна для памежнага рэгіёна.

Святлана ЯСКЕВІЧ

Прэв'ю: БЕЛТА

Загаловак у газеце: Усе службы напагатове

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.