Жыццёва неабходныя

Кітай заняў другое месца ў свеце па аб’ёме донарства органаў.

За 2015–2018 гады ў Кітаі зафіксавана 18.294 выпадкі пасмяротнага донарства органаў. У прыватнасці, у 2018 годзе было зафіксавана 6302 выпадкі, па гэтым паказчыку Кітай заняў другое месца ў свеце. Такая статыстыка змешчана ў дакладзе Кітайскага фонду развіцця перасадкі органаў, перадае «Жэньмінь жыбаа» анлайн».

Акрамя росту колькасці донарства органаў, у КНР таксама назіраецца пастаяннае павелічэнне колькасці паспяховых аперацый па трансплантацыі. У 2016 годзе ў Кітаі было апублікавана заява аб стварэнні «зялёнага калідора» для транспарціроўкі донарскіх органаў. У выніку сярэднестатыстычны тэрмін транспарціроўкі скараціўся на гадзіну-паўтара, каэфіцыент паспяховага выкарыстання органаў павялічыўся на 6,7%.

У Кітаі таксама павышаецца ўзровень выжывальнасці пасля аперацый, звязаных з перасадкай органаў. Як адзначыла супрацоўніца Дзяржаўнага камітэта па справах аховы здароўя КНР Го Яньхун, цяпер Кітай сярод сусветных лідараў па ўзроўні выжывальнасці рэцыпіентаў пасля трансплантацыі сэрца і нырак. У першы год пасля перасадкі печані выжывальнасць рэцыпіентаў дасягае 92,5%, а на трэці год — 95.6%.

Прэв’ю: ru-an.info