Як вырасціць цыбулю з сакавітымі пёрамі
Дні становяцца трохі святлейшымі і гэта першая прыкмета таго, што час пачынаць вырошчваць зялёную цыбульку, якую можна будзе дадаваць у дзённы рацыён і атрымліваць вітаміны. Сілу ён набірае з цыбуліны, а таму маленькая працягласць светлавога дня для яго не будзе праблемай.
Каб пачаць, патрэбна цыбуліна, альбо звычайная, альбо спецыяльная — для пер'евых цыбуль. У другім выпадку вынік будзе лепшы, але.
Выбіраючы гатункі цыбулі на пяро, не палянуйцеся разрэзаць цыбуліну ўпоперак (калі ёсць такая магчымасць), каб паглядзець, колькі зародкаў у ёй утварылася. Пры наяўнасці толькі адной пупышкі ў цыбуліны колькасць зяленіва будзе невялікая. Таму варта выбіраць шматзачаткавыя сарты. Вельмі важна правільна выбраць цыбуліну — яна не павінна быць пашкоджанай, таму што з такой вырастае не пяро, а гнілая цыбуліна.
Лепшага выніку атрымаецца дамагчыся, калі пасадзіць цыбуліну ў зямлю, багатую мінеральную рэчывамі і пры гэтым нейтральную. Купляючы ў краме, можна проста браць субстрат «для расады» — ён прыдатны для цыбулі ў хатніх умовах. Калі не хочацца займацца з грунтам, можна проста паставіць цыбулінкі вертыкальна ў паддон, падліваючы час ад часу ваду, каб яна закрывала карані.
Пры пасадцы 2/3 цыбуліны павінна быць над зямлёй, а пад зямлёй — адна траціна. Пасля гэтага субстрат важна ўвесь час трымаць вільготным. Калі пасадзіць і трымаць цыбулю ў цёмным памяшканні, пёры будуць светлымі і цьмянымі. Чым больш светлае месца выбрана, тым больш насычаны зялёны колер будзе ў пёраў.
Пасадзіўшы расліну і пачаўшы яе рэгулярна паліваць, трэба набрацца цярпення — адразу нічога не «праклюнецца». Але затое калі з'явяцца першыя парасткі — толькі трымайся, растуць яны сапраўды хутка.
Крэс-салата — ідэальная расліна
Яна расце хутка, даглядаць нескладана. Не патрабавальная да святла, нават ценялюбная.
Аптымальная тэмпература для прарошчвання — + 7—15 °C. Калі яна падымаецца вышэй за +15 °C, рост раслін спыняецца. Ужываць крэс-салату ў ежу трэба, калі яна дасягае ў вышыню восем—дзесяць сантыметраў.
Ураджай збіраюць нажніцамі. Зразаюць роўна столькі, колькі хочуць выкарыстаць у ежу: крэс-салата не захоўваецца доўга. Таму яе трэба сеяць рэгулярна, лепш за ўсё — па схеме тры праз тры дні.
У ёмістасць насыпаюць пласт грунту вышынёй каля трох сантыметраў, а можна раскласці баваўняную тканіну або папяровыя ручнікі. Па паверхні сеюць насенне і асцярожна ўціскаюць яго ў зямлю. Затым паліваюць пасевы цёплай вадой, накрываюць ёмістасць цёмнай паперай або чорнай плёнкай і ставяць у цёплае месца з тэмпературай не ніжэй за +7 °C. Пасля таго як насенне прарасце, здымаюць накрыўку і ставяць на светлае месца.
Незалежна ад таго, на якім субстраце вырошчваецца крэс-салата, ён павінен заставацца вільготным, але ні ў якім разе не мокрым. Пры вырошчванні крэс-салаты не трэба выкарыстоўваць угнаенні, яна вельмі непатрабавальная.
Гэтая расліна выкарыстоўваецца толькі ў свежым выглядзе як заправа да салатаў, мяса, рыбы, амлету, соусу, супу ці проста на бутэрброд. У сушаным выглядзе крэс-салата траціць шматлікія каштоўныя якасці.
Ірына Тамковіч
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
