Вы тут

Высвятляецца, як 11-месячная дзяўчынка заразілася ВІЧ-інфекцыяй


У Пінскі міжраённы аддзел Следчага камітэта звярнулася з заявай 35-гадовая мясцовая жыхарка. Яна лічыць, што яе 11-месячная дачка падчас лячэння ў адной з устаноў аховы здароўя заразілася вірусам імунадэфіцыту чалавека.


Усе члены гэтай шматдзетнай сям'і (двое бацькоў і чацвёра іх старэйшых сыноў) здалі аналізы, якія пацвердзілі, што яны не маюць ВІЧ і, адпаведна, не маглі заразіць дзяўчынку. Міністр аховы здароўя Уладзімір Каранік паабяцаў, што расследаванне сітуацыі будзе аб'ектыўнае. А ў выпадку, калі заражэнне адбылося ў медустанове, вінаватыя будуць пакараны.

— Створана рэспубліканская камісія Міністэрства аховы здароўя, працуе абласная камісія, эпідрасследаванне праводзіць санстанцыя. Мы вывучаем месца, дзе магло заразіцца дзіця. Калі гэта медыцынская ўстанова, то будзе праведзена аб'ектыўнае расследаванне, вінаватыя будуць пакараны, а з бацькамі абмяркуем далейшыя дзеянні па выхадзе з гэтай сітуацыі, — сказаў учора Уладзімір Каранік. — Пакуль рана аб чымсьці казаць. Але, паўтаруся, расследаванне будзе максімальна аб'ектыўнае, і пра яго вынікі мы паведамім.

Упраўленне Следчага камітэта па Брэсцкай вобласці па дадзеным факце ўзбудзіла крымінальную справу па прыкметах злачынства, прадугледжанага часткай 2 артыкула 162 Крымінальнага кодэкса. Падчас расследавання давядзецца высветліць, пры якіх абставінах дзіця было заражана ВІЧ. Следчыя апытваюць сведак, медыцынскіх работнікаў, адабрана дакументацыя, якая будзе прааналізавана і далучана да матэрыялаў крымінальнай справы.

Алена КРАВЕЦ

Прэв'ю: 24.kz

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.