Вы тут

Браканьеры спрабавалі з’ехаць на машыне і збілі дзяржінспектара


Здарэнне адбылося ў Дзяржынскім раёне, пацярпеў работнік Дзяржінспекцыі аховы жывёльнага і расліннага свету пры Прэзідэнце рэспублікі Беларусь. Такую інфармацыю размясціла прэс-сакратар МУС Вольга Чамаданава ў сваім Telegram-канале.


Спецаперацыю арганізавалі супрацоўнікі галоўнага ўпраўлення па барацьбе з аргзлачыннасцю і карупцыяй (ГУБАЗіК) МУС. Двое братоў 50-ці і 52-х гадоў патрапілі ў поле зроку праваахоўнікаў даўно, аднак задакументаваць супрацьзаконную дзейнасць, якую яны ўмела маскіравалі, атрымалася толькі нядаўна.

Браты застрэлілі самку лася з двума эмбрыёнамі. Тушу разабралі на наступны дзень у лесе, парэшткі закапалі. Затрымліваць іх вырашылі пры перавозцы мяса, - распавялі ў ГУБАЗіК МУС.

Падчас рэйду мужчыны паспрабавалі схавацца на аўтамабілі "Ніва". Падчас пагоні кіроўца адмовіўся добраахвотна спыніцца і збіў інспектара, які спрабаваў перашкодзіць яму з'ехаць.

У рэшце рэшт падазраваныя кінулі транспарт і ўцяклі, аднак у той жа дзень былі затрыманы байцамі спецпадраздзялення "Алмаз" па месцы жыхарства. Там жа знайшлі шэсць адзінак агнястрэльнай зброі.

У аўтамабілі было каля 160 кілаграмаў ласінага мяса і прылады для разбору тушы. У наступным праваахоўнікі выявілі і яму з парэшткамі жывёлы, уключаючы два эмбрыёны.

Заведзена крымінальная справа за незаконнае паляванне з прычыненнем шкоды ў асабліва буйным памеры. Таксама праводзіцца праверка па факце гвалту ў дачыненні да службовай асобы, якая выконвае службовыя абавязкі. Вядома, што раней абодва фігуранты прыцягваліся да крымінальнай адказнасці, у тым ліку за незаконнае паляванне.

Як удакладнілі ў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь, інспектар атрымаў удар нагі, зараз ён знаходзіцца на бальнічным.

Сяргей РАСОЛЬКА

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.