Толькі-толькі завяршыўся Міжнародны сімпозіум «Пісьменнік і час», які супаў з правядзеннем XXVІІ Мінскай міжнароднай кніжнай выстаўкі-кірмашу, як ад удзельнікаў форуму прыходзяць добрыя весткі. У Палтаве (Украіна), паведамляе літаратуразнаўца, перакладчык, культуролаг Глеб Кудрашоў, прынята рашэнне адкрыць у мясцовым універсітэце Цэнтр украінска-беларускіх кніжных сувязяў.
Своеасаблівая лабараторыя дружбы паміж дзвюма культурамі, дзвюма літаратурамі будзе працаваць на факультэце філалогіі і журналістыкі. Аснову цэнтра складзе бібліятэка беларускай літаратуры, якую Міністэрства інфармацыі Беларусі перадало ў Палтаву ў маі 2019 года. Мяркуецца, што такая ж бібліятэчка будзе перададзена ва ўніверсітэт і сёлета. Навінкі беларускага кнігавыдання паступяць у Палтаву у межах праграмы па падтрымцы беларусаў замежжа, якую рэалізоўваюць сумесна міністэрствы замежных спраў і інфармацыі Беларусі.
Мяркуецца, што Цэнтр украінска-беларускіх кніжных сувязяў адкрыецца ў верасні 2020 года.
Варта нагадаць, што Глеб Кудрашоў неаднойчы бываў у Беларусі, з'яўляецца аўтарам кнігі пра шаўчэнкаўскія адрасы памяці ў нашай краіне.
Сяргей ШЫЧКО
Прэв'ю: Depositphotos.com
«Выходзім на фінішную прамую»
Словы Прэзідэнта на цырымоніі інаўгурацыі, як і сама знакавая для дзяржавы падзея, знайшлі водгук у сэрцах усіх сапраўдных патрыётаў краіны
