Вы тут

Дракон-танцор


Кітайскія і амерыканскія палеантолагі пацвердзілі, што знойдзеныя на паўночным усходзе Кітая закамянеласці дыназаўра належаць новаму віду крылатага і птушынага дыназаўра малога памеру, перадае «Жэньмінь жыбаа» анлайн»


Выкапнёвыя астанкі былі выяўленыя больш за дзесяць гадоў таму назад і захаваны ў Даляньскім музеі натуральнай гісторыі ў правінцыі Ляанін (Паўночна-Усходні Кітай). Тое, што гэта новы від дыназаўра, сумесна пацвердзілі даследчыкі з Музея натуральнай гісторыі Сан-Дыега (ЗША), Даляньскага музея натуральнай гісторыі, Дзяржаўнага ўніверсітэта штата Мантана (ЗША) і іншых даследчых устаноў. Іх адкрыццё было апублікавана ў амерыканскім часопісе Anatomical Record.

Гэты новы від дыназаўраў атрымаў назву Wulong bohaiensis або «танцуючы дракон» па-кітайску, у сувязі са структурай акамянелых астанкаў. У ранні крэйдавы перыяд дыназаўр Wulong па памеры быў меншым за крумкача, між тым агульная яго даўжыня падвоілася ў сувязі з доўгім касцістым хвастом, сцвярджаюць даследчыкі. Па іх апісанню, такі дыназаўр меў вузкія сківіцы з вострымі зубамі, яго цела было пакрыта пер'ем з крылападобнымі структурамі на руках і нагах, ён таксама меў два доўгіх пяра ў канцы хваста.

Даследчыкі лічаць, што Wulong быў адным з самых ранніх вядомых сваякоў дыназаўраў велацыраптараў, якія жылі на планеце 75 млн гадоў таму. А бліжэйшыя роднасныя адносіны з Wulong мелі малыя, чатырохкрылыя мікрараптары.

Джэхол Біёты - месца выяўлення закамянеласцяў новага віду дыназаўра, якое ахоплівае паўночную частку правінцыі Хэбэй, заходнюю частку правінцыі Ляанін і паўночна-усходняя частка аўтаномнага раёна Унутраная Манголія - багата закамянеласцямі розных відаў раслін і жывёл. Вядучы ініцыятар названага даследчага праекта Эшэлі Поўст мяркуе, што гэты рэгіён таксама быў адным з самых ранніх месцаў са спрыяльным для пражывання птушак асяроддзем, дзе суіснавалі птушкі, птушкападобныя дыназаўры і петразаўры.

Wulong паслужыць каштоўным матэрыялам для складання ўяўлення аб тым, якой была Зямля 120 млн гадоў таму, як дыназаўры эвалюцыянавалі і чым яны адрозніваліся ад сучасных птушак, перакананыя даследнікі.

Прэв’ю: hvylya.net

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.