Вы тут

Лукашэнка лічыць справядлівай цану на расійскі газ для Беларусі «ў раёне да $90»


Прэзідэнт Беларусі Аляксандр Лукашэнка лічыць, што пры цяперашніх умовах на сусветным рынку энерганосьбітаў расійскі газ для Беларусі павінен каштаваць каля $90 за 1 тыс. куб.м. Аб гэтым Прэзідэнт Беларусі Аляксандр Лукашэнка заявіў сёння на сустрэчы з паслом Беларусі ў Расіі Уладзімірам Сямашкам.


«Што датычыцца прыроднага газу, сёння ў Еўропе (і гэта мне сказаў не наш міністр, а буйны расійскі прадпрымальнік — з Сечыным (кіраўнік «Раснафты» Ігар Сечын  — Заўвага БЕЛТА) мы казалі, ён жа таксама газам займаецца) газ менш за $110. Гэта там — у Еўропе — на біржах. Значыць, у нас ён у раёне да $90. Калі браць сусветную цану», - заявіў кіраўнік дзяржавы.

«Так, там ёсць працяглыя, яшчэ нейкія кантракты. Але ж доўгатэрміновыя кантракты па газе заўсёды прывязваюцца да цаны на нафту. І калі адбылося падзенне цэны на нафту, значыць, адбылося падзенне цэны на прыродны газ. Таму $127 — сёння ўжо ў свеце такой цаны няма», - упэўнены Аляксандр Лукашэнка.

Ён падкрэсліў, што гэта трэба мець на ўвазе. «І ты (звяртаючыся да Уладзіміра Сямашкі. — Заўвага БЕЛТА) лепш за мяне ведаеш гэта, як гэта лічыцца», — сказаў Прэзідэнт.

«Таму пазіцыя наша па нафце і па пастаўках прыроднага газу з Расіі, па цэнах абсалютна праяснілася. І ў гэтым кірунку мы павінны працаваць. І гэта ўсё кладзецца на цябе, хто б да цябе з міністраў ні прыязджаў», — рэзюмаваў беларускі лідар.


Лукашэнка ацаніў страты Беларусі ад змяншэння ў Расіі экспартнай пошліны на нафту ў $ 420-430 млн

«Пасля перамоў з Пуціным і яго прапановы мы палічым цяпер. Гэта ж просты падлік — нашы страты ад змяншэння мытнай пошліны на нафце. І да ўзроўню гэтага года, пры 24 млн т, — гэта прыкладна $420-430 млн, якія мы губляем», — сказаў Аляксандр Лукашэнка.

«Пуцін прапанаваў, што гэтыя грошы яны Беларусі кампенсуюць. Ён прызнаў, што гэта справядліва», — заявіў кіраўнік дзяржавы.

Ён пры гэтым спаслаўся на заяву расійскага Прэзідэнта, што кампенсацыя будзе зроблена за кошт расійскіх кампаній. «За кошт расійскіх кампаній, так за кошт расійскіх. Але гэта ўжо нейкі рух наперад. І ў гэтым напрамку будзем працаваць», — дадаў беларускі лідар.

Паводле БЕЛТА

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.