У Мінску перагледзяць пытанні азелянення і абразання дрэў, паведаміў у час прамой лініі старшыня Мінгарвыканкама Анатоль Сівак, інфармуе БЕЛТА.
На прамую лінію патэлефанаваў жыхар сталіцы і паскардзіўся на нерацыянальнае абразанне дрэў у раёне вуліцы Казінца. Паводле яго слоў, у Мінску сталі абрэзаць здаровыя дрэвы, з такім падыходам "горад можа ператварыцца ў пустыню".
Анатоль Сівак адзначыў, што гэтая праблема вывучаецца ў Мінгарвыканкаме. Падыходы да працы з зялёнымі насаджэннямі трэба мяняць. Мэр даў распараджэнне "Зелянбуду" раёнаў старанна вывучаць пытанне неабходнасці абрэзкі і зрэзу дрэў. "Павінен быць індывідуальны падыход да кожнага дрэва, варта ўлічваць мэтазгоднасць такой працы, - сказаў ён. - Пытанні зрэзу кожнага дрэва павінны прымацца на ўзроўні Мінгарвыканкама. Магчыма, будзе паменшаная сума фінансавання на гэтыя віды работ, каб сродкі выкарыстоўваліся эфектыўна і рацыянальна".
Прэв'ю: fermerteh.ru
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
