Вы тут

Беларусь у сакавіку разлічвае пачаць пастаўкі нафты на НПЗ па нафтаправодзе Адэса-Броды


Беларусь у сакавіку разлічвае пачаць пастаўкі нафты на НПЗ па нафтаправодзе Адэса - Броды, заявіў журналістам намеснік старшыні канцэрна "Белнафтахім" Уладзімір Сізоў, перадае БЕЛТА.


"Вядзецца праца па закупцы альтэрнатыўнай нафты з выкарыстаннем паўднёвага маршруту, з украінскай тэрыторыі. Пастаўкі па Адэса - Броды пачнуцца ў бліжэйшы час, у сакавіку. Аб'ём - некалькі танкераў", - распавёў Уладзімір Сізоў.

Паводле яго слоў, трубаправодная інфраструктура (нафтаправод Адэса - Броды) будзе выкарыстоўвацца як самы эканамічны, хуткі і надзейны транспарт.

Пры гэтым Уладзімір Сізоў не ўдакладніў, якая менавіта краіна можа выступіць пастаўшчыком. "Мы вядзем працу па набыцці рэсурсаў у Чорным моры. Ёсць магчымасць набыцця рэсурсаў як вытворчасці азербайджанскай кампаніі, так і вытворцы з Расійскай Федэрацыі", - дадаў ён.

"Аб'ём пастаўкі па нафтаправодзе Адэса - Броды вызначаем, зыходзячы з рэшткаў рэсурсаў на НПЗ і факту пастаўкі нафты чыгуначным і трубаправодным транспартам з Расіі", - растлумачыў намеснік старшыні "Белнафтахіма".

Як паведамлялася, у студзені ў Клайпедскі порт прыйшло судна з 86 тыс. т нарвежскай нафты для Беларусі. Нафта гатунку Johan Sverdrup была прызначана для перапрацоўкі ў ААТ "Нафтан" і дастаўлялася ў Беларусь чыгуначным транспартам.

20 лютага ў "Белнафтахіме" паведамілі, што Беларусь купіла праз трэйдараў 160 тыс. т расійскай нафты без прэміі з перавалкай ў Літве. Прыбыццё двух танкераў з нафтай у порт Клайпеды чакаецца ў сакавіку.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.