Вы тут

Каранік: БНТУ, дзе выявілі носьбіта каранавіруса, перавядуць на індывідуальную праграму навучання


Для БНТУ, дзе выявілі носьбіта віруса COVID-19, распрацоўваюцца індывідуальныя праграмы навучання


Міністэрствы аховы здароўя і адукацыі Беларусі распрацоўваюць індывідуальныя праграмы навучання ў БНТУ, каб развесці патокі руху студэнтаў і яны менш перасякаліся. Аб гэтым расказаў журналістам міністр аховы здароўя Уладзімір Каранік. БНТУ, дзе выявілі носьбіта віруса, пераходзіць на такія індывідуальныя праграмы.

Нагадаем, у Беларусі выяўлены першы выпадак каранавіруса ў аднаго са студэнтаў з Ірана.

Медык, які з ім кантактаваў ва ўстанове, і супрацоўнікі хуткай дапамогі, што дастаўлялі яго, знаходзяцца пад наглядам.

Студэнт быў выкліканы ў 33-ю паліклініку горада Мінска, на момант агляду скаргаў на здароўе ў яго не было. Але медыцынскіх работнікаў засмуціла невялікая тэмпература 37,3, пачырваненне ў горле. Ён быў дастаўлены ў інфекцыйную бальніцу, дзе пацвердзілася наяўнасць каранавіруса, удакладніў Каранік. 

«Зараз мы ўдакладняем, наколькі гэта эпідэміялагічна важны штам, але мы адразу дэманструем адкрытасць, інфармавалі пра гэта грамадскасць і Сусветную арганізацыю аховы здароўя, — падкрэсліў міністр. — Студэнты, якія пражываюць з ім, а ён пражываў на кватэры, сёння шпіталізаваны для медыцынскага назірання. На сёння яго стан цалкам задавальняючы, тэмпература вышэй за 37,4 не падымаецца».

Акрамя таго, праводзяцца эпідэміялагічныя мерапрыемствы з тымі студэнтамі, з якімі вучыўся гэты малады чалавек, паведаміў Уладзімір Каранік. Яны ўсе пераведзены пад медыцынскае назіранне. 

«Мы працягнем работу ў строга адкрытым, эфектыўным рэжыме», — запэўніў міністр. 

Адказаў міністр і на пытанне пра сталых людзей, якія найбольш пакутуюць ад новага каранавіруса.

«Зараз мы працуем з СААЗ (Сусветнай арганізацыяй аховы здароўя) у выпрацоўцы дакладных рэкамендацый па групах рызыкі і па ранніх прэдыктарах пераходу захворвання ў цяжкую стадыю. Сказаць, што ёсць нейкая панацэя, — гэтага няма. Тут стандартныя меры бяспекі: пазбягаць месцаў скаплення людзей, асабліва дзе ёсць хворыя, сродкі асабістай гігіены і назіранне за сваім здароўем — зварот да ўрача пры першых сімптомах парушэння здароўя», — парэкамендаваў кіраўнік ведамства.

Уладзімір Каранік запэўніў. «Ні жадання, ні магчымасці скрываць сітуацыю ў нас няма». Па яго словах, аптымізм выклікае адсутнасць у хворага студэнта кашлю, які з’яўляецца асноўнай крыніцай заражэння.

Міністр яшчэ раз нагадаў аб простых спосабах прафілактыкі захворванняў — мыць рукі, не дакранацца бруднымі рукамі да вачэй. Пры прыкметах віруснай інфекцыі хворы павінен у грамадскіх месцах насіць маску, каб засцерагчы іншых ад сябе. 

«Падстаў для ўвядзення масачнага рэжыму (калі ўсе носяць маскі) на сённяшні момант няма, і гэта неэфектыўна. Гэта прызнала Сусветная арганізацыя аховы здароўя», — сказаў Уладзімір Каранік.

Па яго словах, выяўлены тып віруса COVID-19 з усёй групы каранавірусаў найменш смертаносны.

«На сёння папярэднія дадзеныя сведчаць аб прыналежнасці да COVID-19. Безумоўна, мы пераправяраем іншымі тэстамі, каб дакладна ўпэўніцца, што мы маем справу з гэтым вірусам. Улічваючы абгрунтаваныя падазрэнні, спачатку прымаюцца прэвентыўныя меры прафілактыкі. Сёння эпідэміялагічная сітуацыя абсалютна кантралюемая», — паведаміў Уладзімір Каранік і дадаў, што закрыццё межаў — недарэчны метад кантролю, які, наадварот, можа паспрыяе распаўсюджванню інфекцыі. 

Міністр аховы здароўя паведаміў, што работа па прафілактыцы завозу каранавірусу ў Беларусь праводзіцца ў рэжыме 24×7. «Мы стараемся заўсёды працаваць на папярэджанне», — сказаў ён журналістам.

Ён таксама паведаміў, што ў суседкі па пакоі беларускай студэнткі, якая вучыцца ў Мілане і вярталася праз Польшчу разам з бацькамі дадому ў Беларусь, былі выяўлены прыкметы каранавірусу. Сям’я студэнткі звязалася з Міністэрствам аховы здароўя Беларусі, атрымала рэкамендацыю не карыстацца грамадскім транспартам. Пасольства Беларусі ў Польшчы прадаставіла сям’і машыну, даставіла яе да мяжы з Беларуссю, дзе іх сустракала машына хуткай дапамогі. Зараз сям’я змешчана ў інфекцыйную бальніцу Брэста, дзе знаходзіцца пад назіраннем. Ні ў кога з трох чалавек не выяўлена пакуль прыкмет каранавіруснай інфекцыі.

Марыя ДАДАЛКА

Варвара МАРОЗАВА

Вольга МЯДЗВЕДЗЕВА

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.