«Вялікая сцяна» ў Антактыдзе

Гэта найстарэйшая кітайская станцыя.

Зараз у Кітая 5 навукова-даследчых станцый у Антарктыцы, перадае «Жэньмінь жыбаа» анлайн».

Першае па часе адкрыцця — станцыя «Вялікая сцяна». З тых часоў, як яе стварылі ў 1985 годзе, станцыя ператварылася ў комплекс плошчай больш чым 4 тысячы км. метраў з 12 вялікімі будынкамі, у якіх могуць размясціцца 20 навукоўцаў для зімоўкі і 40 чалавек летам для буйных даследаванняў. Тут ужо правялі паспяховыя і важныя навуковыя даследаванні па зменах біялагічнага асяроддзя і экалогіі.

Геаграфічныя каардынаты станцыі «Вялікая сцяна» — 62 градусы 12 хвілін і 59 секунд паўднёвай шыраты. Востраў Кінг-Джордж, дзе размешчана станцыя, з’яўляецца найбольш густанаселеным у плане навукова-даследчых станцый у антарктычным рэгіёне.

Станцыя «Вялікая сцяна» — гэта і невялікі даследчы гарадок, дзе праводзяць рэгулярныя назіранні за надвор’ем, зменамі ў атмасферы на вялікай вышыні, геамагнетызмам і землятрусамі на працягу ўсяго года. У дадатак да звычайных назіранняў, на працягу антарктычнага лета таксама праводзяць навуковыя даследаванні геолагі, гляцыёлагі і эколагі.

Асноўнымі будынкамі «Вялікай сцены» з’яўляюцца рабочыя офісы, інтэрнаты, метэаралагічныя пабудовы, будынкі для навуковых даследаванняў, выпрацоўкі электраэнергіі. На станцыі маецца спецыяльны медыцынскі пакой, урач , штогод сюды дастаўляюць патрэбныя медыкаменты.

Каб максімальна абараніць навакольнае асяроддзе Антарктыкі, на станцыі ажыццяўляецца сартаванне смецця. Што тычыцца паперы, тут ёсць спецыяльная пабудова для спальвання адходаў, попел ад якіх таксама перавозяць у Кітай для ўтылізацыі. Пластык, метал і шкло сартуюцца на месцы, затым загружаюцца ў кантэйнеры для дастаўкі дадому на апрацоўку. Так і ў гэты раз, груз, які карабель «Сюэ Лун-2» вывез назад, змяшчае і гэты хатняе смецце.