Пладовыя дрэвы ратуюць ад шкоднікаў з дапамогай дыму. У старых тазіках, напоўненых вільготнымі драўнянымі адходамі, разводзяць агонь, дамагаючыся багатага дымлення, і ставяць іх пад кронай дрэва. Такую аперацыю праводзяць у ціхія вечары двойчы: да цвіцення і пасля.
Таматы, перцы, агуркі некалькі разоў за сезон апырскваюць растворам настою крапівы. Гэта з'яўляецца добрай пазакаранёвай падкормкай, расліны растуць моцныя, павышаецца ўстойлівасць да хвароб і шкоднікаў.
Капусту абараняе палын, які варта мець у кутку саду. Як толькі з'яўляюцца першыя бялянкі, ламаюць яго сцёблы і раскладваюць іх на расліны капусты.
Смаўжоў ловяць на прынаду: наліваюць увечары паўбутэлькі піва ў глыбокую талерку, выстаўляюць яе на градку, а на світанні збіраюць там п'яную кампанію (можна аддаць птушкам).
Асаблівай пахвалы заслугоўвае каляндра. Увесну яе лісточкі робяць любую салату апетытнай. Улетку спелае насенне спрэс адбівае апетыт у мышэй на градках з караняплодамі, а зімой высушаныя сцёблы абараняюць бульбу і іншыя запасы ў склепе ад тых жа хвастатых зладзюжак.
Ірына ТАМКОВІЧ
Прэв'ю: zelenj.ru
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.