Вы тут

Курсанты Магілёўскага інстытута МУС правялі ўрачыстую цырымонію забору зямлі з брацкай магілы


Да міжнароднай акцыі памяці «У гонар агульнай Перамогі», прысвечанай 75-годдзю вызвалення Беларусі і Перамогі савецкага народа ў Вялікай Айчыннай вайне, далучыліся супрацоўнікі і курсанты Магілёўскага інстытута МУС.


Яны правялі ўрачыстую цырымонію забору зямлі з брацкай магілы байцоў батальёна міліцыі і воінаў 394-га стралковага палка 11-й стралковай дывізіі, якая знаходзіцца пад Магілёвам каля вёскі Гаі. Падчас мітынгу намеснік начальніка па ідэалагічнай рабоце і кадравым забеспячэнні палкоўнік міліцыі Дзмітрый Пануждаеў нагадаў курсантам пра неўміручы подзвіг абаронцаў, якія ўлетку 1941 года пад камандаваннем капітана міліцыі Канстанціна Уладзімірава цаной уласнага жыцця стрымлівалі тут мацнейшыя па колькасці і ўзбраенні сілы ворага.

Акцыі па заборы зямлі з месцаў воінскай славы і гібелі мірнага насельніцтва ў час вайны праходзяць па ўсіх раёнах Беларусі, пачынаючы з мая мінулага года. У мерапрыемствах бяруць удзел ветэраны, прадстаўнікі ўлады, працоўныя калектывы, моладзь. Гэта робіцца дзеля таго, каб нагадаць моладзі, якой цаной далася Перамога, і ўшанаваць памяць тых, хто ахвяраваў за яе свае жыцці.
9 Мая капсулы з зямлёй будуць змешчаны ў крыпту Храма-Помніка ў гонар Усіх Святых у Мінску для вечнай малітоўнай памяці. У праекце таксама бяруць удзел рэгіёны Расіі, Украіны і іншых краін блізкага замежжа.

Нэлі ЗІГУЛЯ

Загаловак у газеце: Зямля з пахам вайны

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.