Вы тут

На выхадныя прагназуюць мокры снег


Надвор'е, якое стаіць у краіне, больш адпавядае сярэдзіне красавіка, паведамляюць спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Фота: photoclub.by/author.php?id_auth=28712

Сіноптыкі ўпэўненыя, што павышаныя тэмпературы будуць трымацца на працягу ўсяго тыдня. Уначы ў сераду пераважна па заходняй частцы краіны, раніцай і ўдзень у многіх раёнах пройдуць кароткачасовыя дажджы. Тэмпература паветра ўначы складзе ад мінус 1 градуса да плюс 5 градусаў. Удзень будзе 5—12 цяпла, па паўднёвым захадзе — да плюс 14 градусаў.

У чацвер будзе воблачна з праясненнямі. Месцамі па краіне, а ўдзень па Гродзенскай і Брэсцкай абласцях на большай частцы тэрыторыі чакаюцца кароткачасовыя дажджы, уначы магчымы мокры снег. Ноччу месцамі, раніцай і ўдзень у многіх раёнах прагназуецца моцны паўночна-заходні вецер. Тэмпература паветра ўначы складзе ад мінус 1 градуса да плюс 4. Удзень будзе 6—13 цяпла, у паўднёва-заходніх раёнах — да плюс 16 градусаў.

Паводле папярэдніх прагнозаў айчынных сіноптыкаў, у пятніцу будзе воблачна з праясненнямі. Уначы на большай частцы тэрыторыі, а ўдзень месцамі па краіне пройдуць кароткачасовыя ападкі ў выглядзе дажджу, а ўначы па поўначы — дождж з мокрым снегам. У многіх раёнах захаваецца моцны паўднёва-заходні вецер. Тэмпература паветра ўначы складзе ад мінус 2 да плюс 5 градусаў, па паўднёвым усходзе — да 7 цяпла. Удзень тэмпература паветра знізіцца да плюс 4—11 градусаў. У найбліжэйшыя выхадныя надвор'е зноў зменіцца. Тэмпература панізіцца, сярод ападкаў будзе пераважаць мокры снег.

Сяргей КУРКАЧ

Загаловак у газеце: Пакуль цёпла, але на выхадныя мокры снег

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.