Вы тут

Новае паштовае аддзяленне адкрылася ў сталіцы


Сёння ў Мінску расчыніў свае дзверы новы пункт па аказанні паслуг паштовай сувязі. Ён атрымаў нумар 76 і месціцца ў жылым мікрараёне «Маяк Мінска».


У цырымоніі прынялі ўдзел генеральны дырэктар РУП «Белпошта» Святлана Юркевіч і кіраўнік справамі адміністрацыі Першамайскага раёна Аляксей Ванкевіч.

— Сёння ў Мінску працуюць 149 аддзяленняў паштовай сувязі, — сказала Святлана Юркевіч. — Раней мясцовыя жыхары хадзілі ў іншае аддзяленне, якое размешчана на процілеглым баку праспекта Незалежнасці. Сталіца расце, павялічваецца і колькасць паштовых адпраўленняў. Наша задача — абслужыць кліента хутка і якасна. Таму і было прынята рашэнне адкрыць новае аддзяленне.

Аляксей Ванкевіч зазначыў, што «Маяк Мінска» — жылы квартал, які хоць і малады па мінскіх мерках, але ўжо мае істотную колькасць насельніцтва і хутка развіваецца. На прамую лінію адміністрацыі Першамайскага раёна неаднаразова звярталіся мясцовыя жыхары, каб у іх адкрылі пункт, які б аказваў паслугі паштовай сувязі.

Новае паштовае аддзяленне гатова абслугоўваць да 20 тысяч чалавек. Прыём і выдачу паштовых адпраўленняў, рэалізоўваць прадукцыю, прымаць паштовыя пераводы і выплочваць пенсіі і дапамогі тут будуць шэсць дзён на тыдзень — з панядзелка па суботу ўключна. Дастаўка будзе ажыццяўляцца ў тры мікрараёны адразу — «Маяк Мінска», «Магістр» і Вялікую Сляпянку.

Валяр’ян ШКЛЕННІК

Фота БЕЛТА

Выбар рэдакцыі

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.