Вы тут

Наталля Качанава ва ўрачыстай абстаноўцы ўручыла пашпарты групе юнакоў і дзяўчат


Учора старшыня Савета Рэспублікі Наталля Качанава ва ўрачыстай абстаноўцы ўручыла пашпарты групе юнакоў і дзяўчат, якія прыехалі ў сталіцу з розных рэгіёнаў краіны. Цырымонія адбылася ў рамках усебеларускай акцыі БРСМ «Мы — грамадзяне Беларусі!»


Моладзь прымалі ў Савеце Рэспублікі ўжо як паўнапраўных грамадзян: сардэчна, урачыста і сур'ёзна. За плячыма кожнага — багаж пэўных дасягненняў у вучобе, конкурсах, алімпіядах, спартыўных спаборніцтвах. Невыпадкова ва ўрачыстасці таксама ўдзельнічалі старшыні Пастаянных камісій верхняй палаты парламента: па адукацыі, навуцы, культуры і сацыяльным развіцці Віктар Лісковіч і па заканадаўстве і дзяржаўным будаўніцтве Сяргей Сівец.

Наталля Качанава шчыра павіншавала юнакоў і дзяўчат, асабіста ўручыла кожнаму пашпарт і падарунак — сцяг нашай дзяржавы. Яна падкрэсліла, што маладыя людзі сталі грамадзянамі напярэдадні 75-годдзя Вялікай Перамогі, і пажадала ім быць вартымі памяці тых, хто абараняў радзіму і аднаўляў яе пасля вайны.

Спікер верхняй палаты нагадала, што пашпарт — не проста пасведчанне асобы. Гэты дакумент накладвае асаблівыя абавязацельствы на кожнага чалавека. Разам з тым, звярнула ўвагу Наталя Качанава, у Беларусі створаны ўсе ўмовы для рэалізацыі моладдзю сваіх планаў, імкненняў, задумак. Гэтыя гарантыі выразна замацаваны ў Канстытуцыі — асноўным законе дзяржавы.

Было відаць, што маладыя людзі хваляваліся, адчуваючы важнасць і значнасць падзеі, якая застанецца ў іх памяці на ўсё жыццё...

Леанід Тугарын

Фота БелТА

Загаловак у газеце: Сімвал грамадзянства

Выбар рэдакцыі

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.