Вы тут

«Маленькія лебедзі» на Гарыні


У палескай глыбінцы — Давыд-Гарадку — працуе дзіцячы балетны клас. Незвычайная ўстанова для сельскай мясцовасці!

Ініцыятарам стварэння студыі грацыі стаў славуты расійскі танцор і балетмайстар Гедымінас Таранда. Дамоўленасць была ўзгоднена, і маэстра з дэлегацыяй муніцыпальнага ўтварэння Новамаскоўскай адміністрацыйнай акругі Масквы наведаў Палессе, сустрэўся з кіраўнікамі Столінскага раёна і падпісаў дамову на адкрыццё першага ў Беларусі філіяла Цэнтра мастацтваў імя Гедымінаса Таранды. Спачатку балетны клас знаходзіўся ў адной з давыд-гарадоцкіх школ, а цяпер цэнтрам высокага мастацтва стаў мясцовы Дом культуры. Восемдзесят дзяўчынак і некалькі хлопчыкаў (іх, як заўсёды, не хапае) — з Давыд-Гарадка, а таксама з навакольных вёсак — Альшан, Белавушы, Беражнога, Рубля, Лісовічаў, Рэмеля, Сямігосцічаў — тройчы на тыдзень займаюцца балетам пад кіраўніцтвам харэографа Ганны Чмуневіч. Заязджае сюды і сам Гедымінас Таранда. Сведкамі першых поспехаў маленькіх артыстаў сталі жыхары Брэстчыны — Століна, Пінска, Бярозы, Брэста: на сцэнах гэтых гарадоў ставіўся спектакль «Шчаўкунок», у якім удзельнічалі і навучэнцы давыд-гарадоцкага балетнага класа. Сёлета гарадку на рацэ Гарынь спаўняецца 920 гадоў, і на юбілейным свяце юныя артысты таксама пакажуць сваё майстэрства, гэтым разам — у «Лебядзіным возеры». Цяпер якраз ідуць рэпетыцыі будучай прэм'еры.

Мне давялося папрысутнічаць на занятках, якія вядомы балетмайстар праводзіў з «маленькімі лебедзяняткамі».


Анатоль Кляшчук, фота аўтара

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.