Вы тут

Да 27 сакавіка ўсіх беларускіх турыстаў вывезуць з Егіпта


Пра гэта заявіў на прэс-канферэнцыі міністр спорту і турызму Сяргей Кавальчук. У Егіпет будуць накіраваны самалёты «Белавія», якія забяруць суайчыннікаў згодна з графікам. У гэтай краіне знаходзіліся на адпачынку каля шасці тысяч беларусаў.


Як расказаў Сяргей Кавальчук, ва ўрадзе створана працоўная група па вяртанні беларусаў з-за межаў. Вырашаюцца пытанні па транспарціроўцы нашых грамадзян па двух кірунках: з Егіпета і краін далёкай дугі (Інданезія, В’етнам, Мексіка, Тайланд, Куба, Індыя і іншыя).

Па апошнім маршруце лагістыка турыстаў на адпачынак і адтуль была арганізавана праз маскоўскія аэрапорты. «Галоўнае пытанне, якое нам неабходна вырашыць, — гэта дастаўка турыстаў з далёкай дугі. Сёння яны не могуць патрапіць на борт расійскіх авіякампаній у сувязі з прыняццем рашэння Расійскай Федэрацыяй аб абмежаванні ўезда грамадзян Рэспублікі Беларусь» — сказаў міністр транспарту і камунікацый Аляксей Аўраменка. Ён паведаміў, што зараз вядуцца перамовы, каб ажыццявіць перавозку беларусаў расійскімі авіякампаніямі, а ўжо з Масквы авіякампанія «Белавія» гатова іх забраць і прывезці на радзіму.

Міністр растлумачыў, што калі праз «Шарамеццева» і «Дамадзедава» беларусы маглі прыляцець на радзіму і пасля закрыцця граніц, то з «Унукава» такой магчымасці не было. Па словах Аляксея Аўраменкі, зараз у гэтым аэрапорце чакаюць вылета каля 100 грамадзян Беларусі. Самалёт для іх ужо гатовы, і сёння ён адправіцца ў Маскву.

Дарэчы, чыгуначныя зносіны з Масквой не спынены, але нашых грамадзян на гэтых цягніках у Расію не пускаюць.

Андрэй Дапкюнас, намеснік міністра замежных спраў Беларусі, паведаміў, што кіраўнік ведамства Уладзімір Макей пару гадзін таму звярнуўся па тэлефоне да свайго расійскага калегі з просьбай вырашэння некаторых праблем вяртання суайчыннікаў і абмеркаваў узаемадзеянне ў гэтых пытаннях.

У сваю чаргу беларускі бок па даручэнні Прэзідэнта гатовы арганізаваць выезд з Польшчы грамадзян Расіі. Па словах намесніка міністра, зваротаў няшмат — 5–7 на дзень.

Міністр спорту і турызму таксама паведаміў, што ніякіх рашэнняў аб адмене Алімпіяды ў Токіа не было прынята.

«Усе краіны рыхтуюцца да спаборніцтваў, і Беларусь не выключэнне. «На сёння 404 спартсмены ў нас знаходзяцца за мяжой і ажыццяўляюць такую падрыхтоўку. І ў розныя перыяды таксама будуць вяртацца. У адносінах да спартсменаў, якія вяртаюцца з вучэбна-трэніровачных збораў, у нас таксама распрацаваны комплекс мер», — расказаў Сяргей Кавальчук.

Марыя Дадалка

Прэв'ю: interfax.by

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.