Вы тут

Прышчэпка БЦЖ замаруджвае распаўсюджванне COVID-19?


Адна з прышчэпак, якая ўваходзiць у Нацыянальны каляндар, можа змяншаць iмавернасць заражэння COVID-19. Такiя звесткi, як паведамляе ТАСС, апублiкавалi амерыканскiя эпiдэмiёлагi. Вучоныя звязваюць рознiцу ў хуткасцi распаўсюджання i ўзроўнi смяротнасцi ад каранавiруса ў розных краiнах з тым, як даўно i наколькi шырока ў iх выкарыстоўваецца вакцына БЦЖ, якая прызначана для барацьбы з туберкулёзам.


Фота: safarizanzibari.ru

«Жыхары тых краiн, у якiх унiверсальная вакцынацыя з дапамогай БЦЖ не была прынята, у тым лiку Iталii, Нiдэрландаў i ЗША, мацней за ўсё церпяць ад COVID-19. Акрамя таго, мы выявiлi, што вакцынацыя БЦЖ зменшыла колькасць выпадкаў заражэння вiрусам. Камбiнацыя панiжанай смяротнасцi i захваральнасцi можа зрабiць гэту прышчэпку адным з галоўных iнструментаў у барацьбе супраць вiруса», — пiшуць вучоныя.

Вакцыну БЦЖ распрацавалi ў 1921 годзе французскiя бактэрыёлагi Альбер Кальмет i Камiль Герэн. Яна дагэтуль застаецца галоўным сродкам барацьбы супраць туберкулёзу. Пры гэтым многiя вучоныя сумняваюцца ў яе эфектыўнасцi, асаблiва для вакцынацыi дарослага насельнiцтва. Таму, у адрозненне ад Расii i iншых краiн былога СССР, вакцыянаванне БЦЖ у ЗША i некаторых краiнах Еўропы ў масавым парадку не праводзiлi.

Вучоныя вырашылi высветлiць, наколькi БЦЖ можа ўплываць на распаўсюджванне каранавiруса i iмавернасць гiбелi ад яго. У цэлым хуткасць распаўсюджвання i смяротнасць ад SARS-CoV-2 залежалi ад эканамiчных паказчыкаў, аднак для невялiкай групы краiн, у тым лiку ЗША, Iрана, Iталii, Бельгii, Нiдэрландаў i шэрагу iншых еўрапейскiх дзяржаў, гэта было не так. Гэтыя краiны аб'ядноўвала тое, што ў iх нiколi масава не прымянялi вакцыну БЦЖ цi яе пачалi выкарыстоўваць адносна нядаўна. У вынiку, як пiшуць вучоныя, адносная колькасць выпадкаў заражэння ў такiх краiнах аказалася ў чатыры разы вышэйшая за тыповыя значэннi для ўсёй планеты ў цэлым, што было характэрна i для ўзроўню смяротнасцi.

На карысць гэтага сведчыць i наступны факт: у краiнах, дзе названыя прышчэпкi робяць пастаянна ўсяму насельнiцтву, пачынаючы з пачатку мiнулага стагоддзя, у прыватнасцi ў Бразiлii, назiраецца незвычайна нiзкi ўзровень смяротнасцi ад каранавiруснай iнфекцыi, несупастаўляльны са станам iх эканомiкi. На думку даследчыкаў, гэта сведчыць аб тым, што БЦЖ можа сапраўды абаранiць арганiзм ад каранавiруса новага тыпу.

У Беларусi вакцынацыя супраць туберкулёзу таксама праводзiцца — на 3—5-я суткi пасля нараджэння. У будучым на месцы ўколу — у верхняй трацiне левага пляча — можа сфармiравацца круглы келоiдны рубец.

Алена КРАВЕЦ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.