Вы тут

Больш садавiны i агароднiны, спецый i круп. Як харчавацца, каб вясной не захварэць?


Увесну, калi актыўнасць нашай iмуннай сiстэмы знiжана з-за працяглай барацьбы з вiрусамi, адсутнасцi неабходнай колькасцi вiтамiнаў i сонечных дзён, лёгка захварэць. Тут варта ўспомнiць аб правiльным, рацыянальным харчаваннi, якое дае магчымасць падтрымаць i ўмацаваць сваё здароўе i павысiць ахоўныя сiлы арганiзма.


З ежай мы павiнны атрымлiваць дастатковую колькасць бялкоў, тлушчаў i вугляводаў — у суадносiнах 1:1:4, важныя мiнеральныя рэчывы (макра- i мiкраэлементы), комплекс вiтамiнаў i, вядома ж, ваду. А рацыянальны рэжым харчавання прадугледжвае 4-5-разовы прыём ежы на працягу сутак з iнтэрвалам 3-4 гадзiны i вячэру не пазней, чым за 2-3 гадзiны да сну. Сняданак павiнен складаць каля 25 % сутачнага рацыёну, абед — 35 %, падвячорак — каля 15 %, а вячэра — астатнiя 25 %. Важна, каб харчаванне было энергетычна адэкватнае — колькi атрымалi, столькi i патрацiлi.

— У штодзённы рацыён трэба ўключаць агароднiну i садавiну, асаблiва тую, што ўтрымлiвае вiтамiны А, В1, С, Е, свежую зелянiну, багатую на вiтамiны групы В, — кажа ўрач-гiгiенiст Мiнскага абласнога цэнтра гiгiены, эпiдэмiялогii i грамадскага здароўя Вольга ФIНСКАЯ. — Як вядома, да пачатку вясны ў агароднiне i садавiне, сабраных восенню, як i ў замарожаных, вiтамiнаў значна менш, аднак яны багатыя на клятчатку, якая дапамагае рабоце кiшэчнiка, у тым лiку ачышчэнню арганiзма ад таксiнаў. Таму карысць ад iх прыёму абавязкова будзе. Варта згадаць i пра такую агароднiну, як капуста, морква, буракi, цыбуля, якiя да вясны не трацяць сваiх карысных уласцiвасцяў.

Для падтрымання iмунiтэту i ахоўных функцый арганiзма нам патрэбны крупы, арэхi i сухафрукты — яны ўтрымлiваюць неабходныя вiтамiны групы В i вiтамiн Е, жалеза, селен, цынк.

— Паколькi арганiзм не можа назапасiць пажыўныя рэчывы на працяглы час, iх паступленне павiнна быць рэгулярнае i штодзённае, — нагадвае ўрач.

У рацыён абавязкова варта ўключыць паўнавартасны бялок (а гэта мяса i тварог), якi з'яўляецца будаўнiчым матэрыялам нашага арганiзма i ўдзельнiчае ў сiнтэзе iмунаглабулiнаў. Акрамя таго, для работы iмуннай сiстэмы патрэбныя i тлушчы, бо гэта не толькi крынiца энергii, але i будаўнiчы матэрыял для клетак. Стравы з мяса i рыбы ўтрымлiваюць вялiкую колькасць незаменных амiнакiслот, вiтамiнаў i мiкраэлементаў, а таксама энзiмы, якiя актывiзуюць страваванне. Нельга выключаць з рацыёну яйкi i малочныя прадукты, — рэкамендуе суразмоўца.

Спрыяльна на сiстэму стрававання i iмунiтэт уплываюць спецыi, асаблiва iмбiр, каляндра, кардамон i кумiн.

— Што датычыцца спосабу гатавання, то больш карысная будзе адварная, тушаная i запечаная ежа, а ад смажанай i вэнджанай лепш адмовiцца. Мiнiмальна неабходная тэрмiчная апрацоўка дазволiць захаваць максiмум карысных рэчываў, — кажа Вольга Фiнская.

Не менш важна ўжываць дастатковую колькасць вадкасцi. Лепш за ўсё, калi гэта будзе чыстая негазiраваная вада. Яна дапамагае рабоце кiшэчнiка, забяспечвае дэтаксiкацыю арганiзма. Надаюць сiл, аднаўляюць бадзёрасць i забяспечваюць вiтамiнамi свежавыцiснутыя сокi з агароднiны i садавiны, а таксама морсы i кампоты з замарожаных ягад.

— Правiльнае харчаванне з'яўляецца прафiлактыкай розных неiнфекцыйных хвароб: стрававальнай сiстэмы (гастрыты, язвы, панкрэатыт), сардэчна-сасудзiстай сiстэмы, гiпертанii, дыябету, парушэнняў абмену рэчываў, атлусцення. Акрамя таго, яно спрыяе захаванню прыгажосцi, запавольвае працэсы старэння арганiзма, а таксама дапамагае падтрымлiваць на належным узроўнi актыўнасць iмуннай сiстэмы, — рэзюмуе ўрач.

Алена КРАВЕЦ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.