Гродзенскі дзяржаўны ўніверсітэт імя Янкі Купалы цесна ўзаемадзейнічае з прадпрыемствамі і арганізацыямі-заказчыкамі кадраў і штогод прапануе абітурыентам новыя спецыяльнасці. Так, з 2020-га года ВНУ пачне рыхтаваць спецыялістаў па робататэхніцы, штучнаму інтэлекту, дызайне віртуальнага асяроддзя, а таксама трэнераў па барацьбе, гульнявых відах спорту і лёгкай атлетыцы.
Сярод новаўвядзенняў прыёмнай кампаніі-2020 ва ўніверсітэце — набор на завочную дыстанцыйную скарочаную форму атрымання вышэйшай адукацыі. Навучанне будзе праходзіць на працягу ўсяго семестра менавіта ў такой форме, а ў ВНУ студэнту неабходна будзе прыехаць толькі для здачы залікаў і экзаменаў. Атрымаць адукацыю анлайн можна будзе па спецыяльнасцях «Транспартная лагістыка (аўтамабільны транспарт)» на факультэце інавацыйных тэхналогій машынабудавання, «Турызм і гасціннасць» — на факультэце гісторыі, камунікацыі і турызму, «Дашкольная адукацыя» і «Пачатковая адукацыя» — на педагагічным факультэце. На завочную скарочаную форму набор будзе весціся па спецыяльнасці «Тэхнічная эксплуатацыя энергаабсталявання арганізацый» на фізіка-тэхнічным факультэце.
Таксама ў 2020 годзе аднаўляецца набор на дзве спецыяльнасці факультэта эканомікі і кіравання. Атрымаць кваліфікацыю «Эканаміст» выпускнік зможа, завяршыўшы навучанне па спецыяльнасцях «Сусветная эканоміка» ў дзённай форме і «Бухгалтарскі ўлік, аналіз і аўдыт (у камерцыйных і некамерцыйных арганізацыях)» — у завочнай скарочанай.
З умовамі паступлення і пералікам усіх спецыяльнасцяў, на якія ГрДУ імя Янкі Купалы ажыццяўляе набор абітурыентаў у 2020 годзе, можна падрабязней азнаёміцца на сайце abit.grsu.by.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
