4 красавіка ў Беларускім дзяржаўным універсітэце інфарматыкі і радыёэлектронікі адбудзецца Дзень адкрытых дзвярэй. Пройдзе ён у фармаце анлайн. Прамая трансляцыя распачнецца ў 10.00 і будзе даступная абітурыентам і бацькам на Youtube-канале ВНУ.
Як паведамілі ў прэс-службе ВНУ, у мерапрыемстве прымуць удзел рэктар БДУІР Вадзім Богуш, першы прарэктар Максім Давыдаў, адказны сакратар прыёмнай камісіі Барыс Нікульшын і дэканы факультэтаў.
"Дзякуючы анлайн-фармату ў Дні адкрытых дзвярэй зможа паўдзельнічаць больш абітурыентаў. Сёння моладзь прывыкла атрымліваць інфармацыю, не выходзячы з дому, а яны - наша галоўная аўдыторыя. Вось мы і прапаноўваем такі варыянт. Да таго ж, гэта зручней для тых абітурыентаў, якія жывуць далёка ад Мінска. Акрамя таго, паглядзець трансляцыю змогуць і бацькі", - адзначыў Вадзім Богуш.
Пытанні ўдзельнікам можна будзе задаць загадзя ў Instagram БДУІР, у раздзеле "Задаць пытанне" на сайце "Электронны абітурыент" і падчас прамога эфіру ў чаце на Youtube-канале БДУІР.
У новым фармаце Дзень адчыненых дзвярэй працягнецца адну гадзіну. Адказы на распаўсюджаныя пытанні, якія не прагучаць анлайн, будуць апублікаваныя ў Telegram БДУІР, а таксама на сайце "Электронны абітурыент".
Абітурыенты таксама могуць пазнаёміцца з універсітэтам з дапамогай віртуальнай экскурсіі па карпусах наведаць аўдыторыі і лабараторыі ўніверсітэта.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
