Вы тут

У Шчучыне падлеткі ўчынілі пагром


Ранiцай у Шчучынскi РАУС патэлефанавалi з ЖКГ i папрасiлi ўстанавiць хулiганаў, якiя разграмiлi некалькi аб'ектаў райцэнтра. Невядомыя зламалi лаўку i некалькi iмянных таблiчак заснавальнiкаў гарадской алеi, выкiнулi ў возера урну, разбiлi пражэктары каля пастамента i пашкодзiлi сядзеннi на пляцоўцы для пляжнага футбола.


Фота: Дзянніца

Калi аператыўнiкi працавалi на месцы здарэння, у РАУС патэлефанаваў мужчына i расказаў, што ў яго скралi веласiпед. Пазней высветлiлася, што абодва злачынствы — справа рук адных i тых жа людзей, паведамiлi ва ўпраўленнi iнфармацыi i грамадскiх сувязяў МУС.

Як было выяўлена, трое 17-гадовых падлеткаў з Гродна прыехалi да свайго знаёмага. Ноччу госцi вырашылi наведаць гарадское возера. Пешшу iсцi не захацелi, таму, пакiдаючы iнтэрнат, забралi чужы веласiпед. На iм даехалi да месца, пасля чаго ўчынiлi пагром на дзвюх вулiцах.

Прыгоды на гэтым не скончылiся. Па дарозе ў суседнi населены пункт, дзе жыве прыёмная сям'я аднаго з хлопцаў, падазраваныя таксама кралi веласiпеды, якiя затым кiдалi на шляху руху. Да пасёлка хлопцы так i не дабралiся, з'ехаўшы на спадарожным аўтамабiлi ў Гродна.

Дваiх удзельнiкаў крымiнальнага трыа затрымалi аператыўнiкi, месцазнаходжанне яшчэ аднаго пакуль высвятляецца. Са слоў непаўналетнiх, яны адважылiся на злачынства дзеля забавы.

Следчыя распачалi крымiнальную справу па факце злоснага хулiганства. Праводзiцца праверка па крадзяжах веласiпедаў.

Усе фiгуранты вучацца ў адным з гродзенскiх каледжаў i стаяць на ўлiку ў iнспекцыi па справах непаўналетнiх. Адзiн з iх судзiмы за маёмасныя злачынствы.

Сяргей РАСОЛЬКА

Загаловак у газеце: Учынiлi пагром i скралi веласiпеды

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.