Вы тут

Патрэбна самаiзаляцыя пасля камандзiроўкi?


У Мiнiстэрстве працы i сацыяльнай абароны растлумачылi, якую кампенсацыю атрымаюць работнiкi, якiя па прыбыццi ў Беларусь з замежнай камандзiроўкi вымушаны знаходзiцца ў самаiзаляцыi. А таксама расказалi, якiя гарантыi i кампенсацыi прадугледжаны для работнiкаў, што былi накiраваны ў камандзiроўку за мяжу i цяпер не могуць вярнуцца ў Беларусь з краiны, дзе рэгiструюцца выпадкi iнфекцыi, выклiканай каранавiрусам COVID-19.


У ведамстве растлумачылi, што пры знаходжаннi работнiкаў у самаiзаляцыi пасля вяртання са службовай камандзiроўкi (пры немагчымасцi выканання iмi службовых абавязкаў), iм захоўваецца заробак у памеры не нiжэй за дзве трацiны тарыфнай стаўкi (тарыфнага акладу), службовага акладу, калi iншае не вызначана калектыўнай дамовай.

Таксама пастановай Савета Мiнiстраў Рэспублiкi Беларусь ад 03.04.2020 г. № 194 «Аб службовых камандзiроўках за мяжу» наймальнiкам дадзена права працягваць тэрмiн службовай камандзiроўкi работнiкам, якiя ў цяперашнi момант не могуць вярнуцца ў Беларусь з краiны, дзе рэгiструюцца выпадкi iнфекцыi, выклiканай каранавiрусам COVID-19, — да дня iх вяртання назад уключна.

Пры гэтым за работнiкам захоўваецца месца работы (службы) i пакрываюцца выдаткi пры службовых камандзiроўках за мяжу (сутачныя, па найме жылога памяшкання, па праездзе i iншыя).

Што датычыцца зарплаты пры падаўжэннi службовай камандзiроўкi, то яна захоўваецца ў памеры не нiжэй за дзве трацiны тарыфнай стаўкi (тарыфнага акладу), службовага акладу, калi iншае не вызначана калектыўнай дамовай.

Але калi пры падаўжэннi камандзiроўкi работнiку будзе дадзена дадатковае заданне, то за iм захоўваецца зарплата на працягу перыяду выканання такога задання, пры гэтым яна павiнна быць не нiжэйшая за сярэднi заробак, а таксама пакрываюцца камандзiровачныя выдаткi.

Гэтыя нормы распаўсюджваюцца таксама на ваеннаслужачых, супрацоўнiкаў ваенiзаваных арганiзацый, якiя маюць спецыяльныя званнi, у тым лiку накiраваных за мяжу на навучанне.

Святлана Бусько

Прэв'ю: vse.rv.ua 

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».