Тэхнапарк Гродзенскага дзяржуніверсітэта імя Янкі Купалы прыступіў да выпуску ахоўных экранаў для медыкаў.
Ад з’яўлення ідэі да яе рэалізацыі прайшло ўсяго некалькі дзён. Спачатку былі вырабленыя прататыпы, якія ўхвалілі медыкі.
— Паколькі 3D-друк не разлічаны на масавую вытворчасць, на працягу месяца мы зможам надрукаваць не больш за тысячу такіх ахоўных экранаў, — паведаміў журналістам дырэктар Навукова-тэхналагічнага парку ГрДУ Аляксандр Васілевіч. — Але нават гэта колькасць — істотная дапамога для медыцынскай галіны цяпер. На стварэнне аднаго ахоўнага экрана ў нас сыходзіць тры гадзіны. Але мы працягваем аптымізаваць працэс, скарачаць час вытворчасці. Першыя ахоўныя экраны будуць накіраваныя ў тыя лячэбныя ўстановы вобласці, якія адчуваюць найбольшую патрэбу ў закупцы дадатковых сродкаў індывідуальнай абароны для медыкаў.
Для Навукова-тэхналагічнага парку Гродзенскага дзяржуніверсітэта імя Янкі Купалы гэта сацыяльны праект: універсальныя ахоўныя экраны рэалізуюцца па сабекошце. Экраны вырабляюцца з высакаякаснага беларускага пластыка. У дадзены момант усе чатыры 3D-прынтары Тэхнапарка выкарыстоўваюцца выключна для таго, каб дапамагчы забяспечыць медыцынскую галіну рэгіёна неабходнымі ахоўнымі сродкамі. На іх адліваюцца элементы мацавання. Сам экран вырабляецца па тэхналогіі лазернай рэзкі. Задзейнічаны ў гэтай працы таксама і студэнты.
Надзея НІКАЛАЕВА
Прэв'ю: БЕЛТА
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
