Вы тут

Школа для цяжарных. Мiнiстэрства аховы здароўя i МАМА PRO запускаюць новы праект


Усе будучыя бацькi ў Беларусi атрымаюць магчымасць прайсцi навучанне i падрыхтавацца да родаў у анлайн-рэжыме. Такую сучасную альтэрнатыву звычайным адукацыйным мерапрыемствам прапанавала Мiнiстэрства аховы здароўя сумесна з праектам МАМА PRO. Анлайн-школа абсалютна бясплатная i дапаможа будучым бацькам бяспечна атрымаць якасныя веды.


Сёння эпiдэмiялагiчная сiтуацыя ў краiне i праблема распаўсюджання каранавiруса непакояць многiх. Для здароўя i бяспекi будучых мам i тат вырашана адмянiць адукацыйныя афлайн-мерапрыемствы для цяжарных. I на змену iм прыйшла альтэрнатыва — анлайн-школа ад праекта МАМА PRO. Будучыя бацькi змогуць атрымаць якасныя веды пра роды, здароўе бацькоў i немаўляцi, прафiлактыку неiнфекцыйных хвароб.

— Анлайн-школа дазволiць усiм будучым бацькам у любым пункце нашай краiны, не выходзячы з дому, бясплатна атрымаць якасную i правераную медыцынскую iнфармацыю аб сучасных падыходах вядзення цяжарнасцi i родаў ды дасць магчымасць задаць любыя пытаннi вядучым спецыялiстам у галiне акушэрства i гiнекалогii, а таксама развеяць страхi i мiфы.

Анлайн-навучанне ўжо даступнае для мам i тат на сайце www.mamapro.by. Акрамя курсаў i карысных матэрыялаў, арганiзатары распрацавалi тэставы кантроль ведаў. Пасля прагляду вiдэакурсаў будучыя мамы змогуць прайсцi тэст, паказаць вынiк свайму доктару ў жаночай кансультацыi i атрымаць афiцыйную адзнаку аб праходжаннi школы здароўя ў абменную картку.

Алена КРАВЕЦ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».