Аўстралійскія навукоўцы з універсітэта Монаша і Каралеўскага шпіталя ў Мельбурне выявілі прэпарат, які на 99% памяншае прысутнасць у клетках віруса SARS-CoV-2, які выклікае хваробу COVID-19. Сваё даследаванне яны апублікавалі ў часопісе Antiviral Research, піша rbc.ru
Гаворка ідзе пра адобраны Сусветнай арганізацыяй аховы здароўя антыпаразітны прэпарат івермектын. Медыкі правялі лабараторныя даследаванні, дадаўшы ў інфікаваныя каранавірусам клеткі праз дзве гадзіны пасля заражэння івермектынам.
Вынікі паказалі, што праз 24 гадзіны доля вірусных РНК у клеткавых культурах знізілася на 93%. А праз 48 гадзін прысутнасць віруса ў клетках зменшылася на 99%.
«Аднакратная апрацоўка здольная выклікаць памяншэнне віруса ў 5000 раз за 48 гадзін у культуры клетак», - гаворыцца ў заканчэнні да навуковага артыкула. Даследнікі адзначаюць, што такім чынам івермектын прыводзіць практычна да поўнай страты віруснага матэрыялу.
Аўстралійскія навукоўцы спадзяюцца, што іх даследаванні дапамогуць не толькі ў распрацоўцы будучых лекаў. На думку аўтараў артыкула, ужыванне івермектына ўжо сёння здольна знізіць вірусную нагрузку, пазбегнуць цяжкіх ускладненняў пры захворванні COVID-19 і прадухіліць перадачу каранавіруса.
Прэв'ю: interfax.ru
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».