Міністэрства абароны Беларусі выдзеліла медыцынскае абсталяванне для тых устаноў аховы здароўя, дзе атрымліваюць дапамогу хворыя з каранавірусам. Пра гэта паведамілі ў прэс-службе ваеннага ведамства.
Такім чынам, у бальніцы паступілі дадатковыя апараты штучнай вентыляцыі лёгкіх і спецыяльныя кіслародна-інгаляцыйныя станцыі. Яны асабліва каштоўныя тым, што кожная з іх дазваляе падтрымліваць пры дапамозе кіслароду адначасова да 20 пацыентаў.
Але як з эпідэміялагічнай абстаноўкай у саміх Узброеных Сілах?
— Пэўныя захады прыняты. Часова абмежаваны звальненні і наведванні ваеннаслужачых, — расказалі ў Міністэрстве абароны. — Гэта закранула і мерапрыемствы, звязаныя з перамяшчэннем воінскіх падраздзяленняў. На кантрольна-прапускных пунктах воінскіх часцей пачалі работу медыцынскія пасты. Усе вайскоўцы кантрактнай службы і грамадзянскі персанал штодня перад уваходам на тэрыторыю часці праходзяць агляд. Пры неабходнасці ім вымяраюць тэмпературу.
І канешне ж, пад асаблівай увагай — удзельнікі маючага адбыцца парада.
Валяр'ян ШКЛЕННІК
Прэв'ю: ont.by
Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.
Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь.
Жанчыны прыгожыя ў любым узросце.
Цяпер, калi пасля вайны мiнула столькi гадоў, каштоўнасць аповеду яе жывых сведак толькi павышаецца.
