Вы тут

Наталля Качанава азнаёмiлася з вытворчасцю сродкаў iндывiдуальнай абароны


Старшыня Савета Рэспублiкi Наталля Качанава па даручэннi кiраўнiка дзяржавы азнаёмiлася з вытворчасцю сродкаў iндывiдуальнай абароны на прадпрыемствах Мiнска.


Днямi, як паведамляе прэс-служба Савета Рэспублiкi, Наталля Качанава наведала швейнае прадпрыемства ТАА «Група кампанiй Стэцкевiч». Яно спецыялiзуецца на выпуску форменнага i спецыяльнага адзення. У сувязi з эпiдэмiялагiчнай сiтуацыяй тут перапрафiлявалi вытворчасць на выпуск найбольш запатрабаваных сёння сродкаў iндывiдуальнай абароны — шматразовых санiтарна-гiгiенiчных масак i ахоўных камбiнезонаў. Гэтыя вырабы пастаўляюцца ў аптэчныя сеткi, РУП «Белфармацыя», а таксама на прадпрыемствы Мiнiстэрства транспарту i камунiкацый, РУП «Белпошта» i ў iншыя арганiзацыi.

Старшыню Савета Рэспублiкi праiнфармавалi аб умовах работы вытворчасцi i адгрузкi прадукцыi. Была абмеркавана магчымасць далейшага нарошчвання аб'ёмаў выпуску медыцынскiх масак. Наталля Качанава пагутарыла з работнiкамi цэха, пацiкавiлася ўмовамi iх працы i заработнай платай, адказала на пытаннi.

У той жа дзень яна наведала УП «Унiксфарм», дзе ўдалося павялiчыць аб'ёмы вытворчасцi медыцынскiх аднаразовых масак. Супрацоўнiкi прадпрыемства расказалi аб пастаўках гэтай прадукцыi на ўнутраны рынак.

Як потым падкрэслiла спiкер верхняй палаты парламента, у няпростай эпiдэмiялагiчнай сiтуацыi сталiчныя прадпрыемствы павiнны мабiлiзаваць iснуючыя рэсурсы, для таго каб забяспечыць патрэбы арганiзацый i насельнiцтва ў сродках iндывiдуальнай абароны ў поўным аб'ёме. Такую задачу паставiў кiраўнiк дзяржавы.

Леанiд ГАНЧАРУК

Выбар рэдакцыі

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.

Экалогія

Які інтарэс ў Беларусі ля Паўднёвага полюса

Які інтарэс ў Беларусі ля Паўднёвага полюса

Антарктыка, далёкая і блізкая.

Грамадства

Да купальнага сезона падрыхтуюць 459 пляжаў

Да купальнага сезона падрыхтуюць 459 пляжаў

Існуюць строгія патрабаванні да месцаў для купання.

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.