Вы тут

Memento mori на сталічным некропалі


На Усходніх могілках з 1952 года спачываюць вядомыя палітыкі, навукоўцы, акцёры, мастакі, спартсмены, героі вайны і працы — эліта грамадства. З 1975 года могілкі адкрыты толькі для ганаровых пахаванняў.


Тут у звычайныя дні пуста не бывае: праводзяцца экскурсіі, цікаўныя гараджане прыходзяць і разглядаюць помнікі і надмагіллі вялікіх і знакамітых. Перад Радаўніцай вялікая колькасць наведвальнікаў разышлася па ўсёй вялікай тэрыторыі (23 га) не дзеля бяздзейнасці, а каб прывесці магілы продкаў у парадак. За трыццаццю ганаровымі магіламі афіцыйна даглядаюць работнікі могілак. Пад іх наглядам знаходзіцца таксама ваенны мемарыял, дзе спачываюць 190 вызваліцеляў Мінска, а таксама 5 брацкіх магіл, у якіх пахавана больш за 50 воінаў.

Усходнія могілкі адпавядаюць лепшым стандартам еўрапейскіх некропаляў. Усходнія, як у Маскве Новадзявочыя могілкі, вядомыя імёнамі людзей, якія ўславілі Беларусь, тут здабылі вечны спакой.

Героі Савецкага Саюза: лётчык Леанід Бяда, Марыя Осіпава і Алена Мазанік, якія падарвалі гаўляйтэра Кубэ. Герой Беларусі Міхаіл Высоцкі, канструктар, заснавальнік беларускага грузавога аўтапрама. Выдатныя палітыкі: Пётр Машэраў, Ціхан Кісялёў, Фёдар Сурганаў, Сяргей Прытыцкі, Васіль Казлоў, Кузьма Кісялёў і іншыя.

Пісьменнікі і паэты: Кандрат Крапіва, Пятро Глебка, Аркадзь Куляшоў, Пятрусь Броўка, Іван Мележ, Іван Шамякін, Яўгенія Янішчыц, Анатоль Астрэйка, Уладзімір Караткевіч, Іван Чыгрынаў, Васіль Быкаў...

Мастакі, архітэктары і скульптары: Іван Ахрэмчык, Андрэй Бембель, Анатоль Анікейчык, Аляксандр Кішчанка, Уладзімір Жбанаў, Міхаіл Савіцкі, Георгій Паплаўскі, Георгій Заборскі, Май Данцыг (якому якраз 27 красавіка споўнілася б 90 гадоў).

Кампазітары і музыканты: Генрых Вагнер, Анатоль Багатыроў, Мікалай Аладаў, Рыгор Шырма, Уладзімір Алоўнікаў, Яўген Глебаў, Эдуард Зарыцкі, Ігар Лучанок.

Артысты і рэжысёры: Ларыса Александроўская, Дзмітрый Арлоў, Леанід Рахленка, Галіна Макарава, Віктар Лебедзеў, Лідзія Ржэцкая, Павел Кармунін, Вера Полі, Юрый Сідараў, Стэфанія Станюта, Валерый Раеўскі, Аляксандра Клімава, бацька і сын Мікалаі Яроменкі, Віктар Тарасаў, Расціслаў Янкоўскі, Генадзь Гарбук, Мікалай Кірычэнка, Аўгуст Мілаванаў.

Надмагілле Расціслава Янкоўскага.

На помніку колішняга кіраўніка Мінска Міхаіла Паўлава намаляваныя Ратуша і Усіхсвяцкі храм — асноўныя славутасці, пабудаваныя пры яго ўдзеле. Непадалёк знаходзіцца магіла знакамітага хакеіста Руслана Салея, які загінуў у авіякатастрофе. Сюды не зарастае народная сцежка. Зрэшты, як і да магіл усіх, хто спачывае на Усходніх могілках.

Ірына ЯКАЎЛЕВА

Фота аўтара

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».