Вы тут

Абвешчаны набор на экспрэс-курс «Падрыхтаваны да дыстанцыйнага навучання»


Яго арганізатары — IT-кампанія Vizor Games, Асацыяцыя «Адукацыя для будучыні» і Фонд «Новая школа» — аб’ядналі свае намаганні, каб падтрымаць школы Беларусі ва ўмовах распаўсюджвання COVID-19. Сумесна яны распрацавалі і рэалізоўваюць праект «Дапамога школам. Вучым(ся) бяспечна і эфектыўна», які ўключае забеспячэнне навучальных устаноў сродкамі індывідуальнай абароны падчас пандэміі (з асаблівым фокусам на настаўнікаў, якія знаходзяцца ў зоне павышанай рызыкі), інфармацыйную падтрымку педагогаў актуальнымі і карыснымі навучальнімі матэрыяламі і падтрымку ў выпадку пераходу навучання ў анлайн-фармат.


Гэта ўжо будзе чацвёрты набор на курс, які карыстаецца у педагогаў вялікім попытам. Для прыкладу, падчас другога набору, калі навучанне настаўнікаў прыпадала на школьныя канікулы, заяўкі падалі 2,5(!) тысячы чалавек.

Усяго курс (ад пачатку і да канца) прайшлі ўжо 550 настаўнікаў з 400 беларускіх школ. Большасць педагогаў дзеляцца сваімі новымі ведамі і навыкамі з калегамі ў сваіх установах. Частка настаўнікаў пачалі весці ўрокі анлайн для тых дзяцей, якія застаюцца дома.

Чацвёрты набор на курс «Падрыхтаваныя да дыстанцыйнага навучання!» разлічаны, у першую чаргу, на тых, хто толькі пачынае і не ведае розных інструментаў і прынцыпаў дыстанцыйнага навучання. Фокус на навічкоў зроблены невыпадкова: заўважана, што менавіта яны максімальна прагрэсіруюць, выходзячы з зоны камфорту і пераадольваючы страх перад анлайнам.

Курс пройдзе з 8 па 16 мая. Ад адной установы адукацыі запрашаюцца не больш за тры прадстаўнікі (пажадана, два педагога і адзін прадстаўнік школьнай адміністрацыі).

На курс запрашаюць тых, хто гатовы:

— актыўна вучыцца і выконваць аб’ёмныя хатнія заданні;

— выдзяляць на вучобу ад адной да трох гадзін у дзень;

— аб’ядноўвацца з калегамі ў школе для выканання хатняга задання;

— самастойна праводзіць факультатывы для калегаў;

— падчас курсу і пасля яго — актыўна дзяліцца ведамі і вопытам з калегамі ў сваёй школе, горадзе, раёне.

Курс — гэта сем дзён актыўнай работы, чатыры анлайн-сесіі, шмат факультатываў і майстар-класаў ад запрошаных спікераў і калег па курсе, вывучэнне інструментаў для арганізацыі навучальнага працэсу для дзяцей, якія засталіся дома (Zoom, Google Drive, Дакументы і формы, Telegram, Kahoot, Google Classroom і іншых);

— дэманстрацыя ўласных ўрокаў і каментарыі да іх ад калегаў;

— шмат самастойнай работы.

Каб зарэгістравацца на курс, трэба прайсці па спасылцы.

Зрабіць гэта трэба да 24 гадзін 7 мая. Удзел у курсе бясплатны.

Надзея НІКАЛАЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».