Вы тут

Юбілейны май кулямётчыка Ляхоцкага


Напярэдадні юбілею Перамогі, 7 мая, ён адзначыў свой юбілей. Ды яшчэ які! 100 гадоў споўнілася ветэрану з Пружан Мікалаю Іванавічу Ляхоцкаму. З гэтай датай яго павіншавала нямала людзей. Самыя цёплыя словы падзякі ад усіх жыхароў раёна адрасаваў франтавіку старшыня райвыканкама Юрый Бісун.


Фота БЕЛТА.

Былі кветкі, падарункі, успаміны. Мікалая Ляхоцкага прызвалі адразу пасля вызвалення Пружан. Пасля кароткай вучобы на фронт накіраваўся кулямётчыкам, у баі за вызваленне Польшчы атрымаў цяжкае раненне. Перамогу сустрэў у шпіталі. Пасля вайны вярнуўся ў родны горад, дзе і пражыў усё жыццё. Шмат гадоў працаваў кіроўцам на машыне хуткай дапамогі. Для журналістаў і краязнаўцаў Мікалай Іванавіч заўсёды быў знаходкай. Бо добра ведае і даваенны, і пасляваенны горад, шмат можа расказаць пра яго жыхароў і гістарычныя падзеі. А вось сам аднойчы трапіў у гісторыю не зусім звычайным чынам. У 1980-я, калі рыхтаваліся кнігі «Памяць», у раёнцы змясцілі спіс землякоў, якія загінулі пры вызваленні Польшчы. Там Мікалай Ляхоцкі сустрэў... і сваё прозвішча. Потым памылку выправілі, папрасілі прабачэння, сказалі, што ветэран пражыве доўга. Так і сталася.

Са сваёй другой палавінкай Лідзіяй Паўлаўнай яны пражылі ў згодзе 70 гадоў. І цяпер Мікалай Іванавіч вельмі сумуе без яе. Але адзінокім у гэтыя святочныя вясновыя дні ён сябе не адчувае — радуюць увагай многія людзі, блізкія і далёкія.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.