Асвятленне вуліц, добраўпарадкаванне, капітальны рамонт — гэтыя і іншыя пытанні ўздымалі жыхары Брэсцкай вобласці падчас прамой лініі памочніка Прэзідэнта Анатоля МАРКЕВІЧА.
Большасць зваротаў паступіла з абласнога цэнтра і райцэнтраў вобласці. Жыхары Баранавіч паскардзіліся на недастатковае асвятленне вуліцы. Ліхтар ёсць, але ён не гарыць. Агучаная праблема вырашылася адразу. Памочнік Прэзідэнта звязаўся з кіраўніцтвам адпаведнай службы і атрымаў запэўніванне, што недахоп будзе выпраўлены за дзень-другі.
Брастаўчанка Валянціна С. жыве ў сацыяльнай кватэры, і ў яе ўзнікла патрэба замены газавай пліты. Жанчына лічыць, што гэта павінен зрабіць уласнік кватэры. Анатоль Мечыслававіч даў даручэнне службовым асобам разабрацца з дагаворнымі ўзаемаадносінамі бакоў і вырашыць пытанне па законе.
Жыхароў дома па вуліцы Маскоўскай у Брэсце хвалюе пытанне капітальнага рамонту іх будынка. Ён будаваўся амаль паўвека таму, таму, акрамя ўнутраных работ, трэба прывесці ў парадак фасад. «Работа патрабуе рацыянальнага падыходу, — сказаў Анатоль Маркевіч. — Можна затраціць сродкі, правесці касметычны рамонт, які не дасць патрэбных вынікаў і не палепшыць якасць жыцця для кватэранаймальнікаў. Тут неабходна знайсці спосаб разумнага і рацыянальнага ўкладання сродкаў».
Актыўнасць падчас прамой лініі праявілі таксама жыхары Баранавіцкага, Лунінецкага, Ляхавіцкага, Іванаўскага раёнаў. Усяго падчас прамой лініі памочнік Прэзідэнта даў адказы на 11 пытанняў.
Яна СВЕТАВА
Прэв'ю: sb.by
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
