Па дадзеных Міністэрства аховы здароўя, па стане на 13 мая ў Беларусі зарэгістравана 25 825 чалавек са станоўчым тэстам на COVID-19.
Усяго праведзена 296 380 тэстаў на каранавірус.
7 711 чалавек больш не хварэюць, яны былі выпісаныя.
Памерла 146 пацыентаў з шэрагам хранічных хвароб з выяўленай каранавіруснай інфекцыяй.
Падчас тэлефоннай размовы 12 мая з генеральным дырэктарам Сусветнай арганізацыі аховы здароўя Тэдрасам Гебрэйесусам Аляксандр Лукашэнка акцэнтаваў увагу, што на сёння непакой выклікаюць пнеўманіі, лячэнні якіх надаецца найбольшая ўвага. Галоўная задача, якую вызначылі для сябе ў Беларусі, — змагацца за кожнае жыццё, ні ў якім разе не дапускаць скачка ўзроўню смяротнасці.
Абмеркоўвая сёння з членамі ўрада і кіраўніцтвам Адміністрацыі Прэзідэнта праект Указа «Аб сацыяльнай падтрымцы асобных катэгорый грамадзян», Аляксандр Лукашэнка паведаміў, што ён вельмі паглыблены ў праблему захваральнасці. Ён запатрабаваў прагноз не па новай каранавіруснай інфекцыі, а непасрэдна па ўсіх пнеўманіях.
«Не толькі ў нас — паўсюль праблема № 1 у лячэнні — гэта пнеўманіі. Што да пнеўманій, то ў нас, дзякуй богу, хоць і ёсць патроху па краіне прырост, але гэта ўжо не той прырост, які мы фіксавалі нават два-тры тыдні таму. Дай бог нам на гэтым узроўні вытрымаць», — падзяліўся кіраўнік дзяржавы.
Аляксандр Лукашэнка катэгарычна папярэдзіў, што за смяротнасць насельніцтва службовыя асобы «адкажуць галавой». Паказчыкі праз некаторы час забудуцца, лічыць Прэзідэнт, а памяць аб загінулых, якіх можна было выратаваць, застанецца.
«Жалезна трэба патрабаваць ад Мінздароўя і ўрачоў захавання жыцця людзей. Я аб гэтым у храме нядаўна казаў. І я гэта бяру на сур’ёзны кантроль», — звярнуў увагу кіраўнік дзяржавы.
Прэв'ю: yandex.ru
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!