Нацыянальны сход В'етнама перадаў Савету Рэспублікі сродкі індывідуальнай аховы. Пра гэта паведамілі ў прэс-службе верхняй палаты беларускага парламента.
20 тысяч масак перададзена паслу Беларусі ў В'етнаме Уладзіміру Гошыну кіраўніком канцылярыі парламента Нгуен Хань Фук ад імя старшыні Нацыянальнага сходу Нгуен Тхі Кім Нган. «Аказаная парламентам В'етнама бязвыплатная дапамога — знак сяброўства і падтрымкі намаганняў Беларусі па супрацьдзеянні распаўсюджванню каранавіруснай інфекцыі. Беларускі бок удзячны за гэтую дапамогу», — адзначылі ў прэс-службе.
Трэба сказаць, што абедзве краіны звязвае шматгадовае сяброўства, актыўна развіваюцца парламенцкія сувязі. Так, летась падчас афіцыйнага візіту Нгуен Тхі Кім Нган у беларускую сталіцу прайшла яе сустрэча са старшынёй Савета Рэспублікі Наталляй Качанавай, падчас якой бакі пацвердзілі ўзаемнае імкненне ўмацоўваць супрацоўніцтва, у тым ліку па лініі парламентаў.
Карэспандэнты «Звязды» разам з супрацоўнікамі ДАІ паназіралі, як мінчане карыстаюцца сродкамі персанальнай мабільнасці.
Больш за 1410 тэматычных канструкцый з’явіцца на вуліцах сталіцы
Праект надзвычай важны сацыяльна, але не толькі…
На прасторах яе вялікасці кнігі.
