Вы тут

Паслабленнi: цукровыя i падатковыя


Савет Мiнiстраў вызначыў кампанii, якiм будуць паскорана вяртаць ПДВ, i дазволiў купляць прадукцыю цукровых заводаў без канкурэнтных працэдур закупкi.


Адпаведныя пастановы ўрада (ад 14 мая 2020 года № 282 i ад 15 мая 2020 года № 287) афiцыйна апублiкаваныя на Нацыянальным прававым iнтэрнэт-партале.

У спiс з 77 кампанiй, якiм будуць паскорана вяртаць падатак на дабаўленую вартасць, увайшлi ЗАТ «Атлант», Мiнскi малочны завод № 1, Беларуская чыгунка, «Камунарка», ААТ «Амкадор» — кiруючая кампанiя холдынга», ААТ «ММЗ iмя С. I. Вавiлава — кiруючая кампанiя холдынга «БелОМА», МТЗ, МАЗ, Мiнскi маторны завод, Брэсцкi мясакамбiнат, «Савушкiн прадукт», «Гомельтранснафта Дружба», «Белавiя», «Лекфарм», БелАЗ i iншыя.

Пастанова № 282 рэалiзуе Указ ад 24 красавiка 2020 года № 143 «Аб падтрымцы эканомiкi». Плацельшчыкам, уключаным у спiс, залiк рознiцы памiж сумай падатковых вылiкаў i агульнай сумай ПДВ, вылiчанай па рэалiзацыi тавараў (работ, паслуг), маёмасных правоў, ажыццяўляецца на працягу 10 рабочых дзён з дня прыняцця падатковым органам рашэння аб вяртаннi такой рознiцы.

Акрамя таго, урад дазволiў купляць прадукцыю ў цукровых заводаў без канкурэнтных працэдур закупкi. Саўмiн унёс змяненнi ў пастанову «Аб удасканаленнi адносiн у галiне закупак тавараў (работ, паслуг) за кошт уласных сродкаў», пашырыўшы пералiк тавараў, на закупкi якiх за кошт уласных сродкаў не распаўсюджваецца дзеянне гэтага дакумента.

Пастановы ўступаюць у сiлу пасля iх афiцыйнага апублiкавання.

Марыя ДАДАЛКА

Прэв'ю: delo.ua

Выбар рэдакцыі

Грамадства

Як шматдзетная сям’я будуе жыллё з дапамогай дзяржаўнай субсідыі

Як шматдзетная сям’я будуе жыллё з дапамогай дзяржаўнай субсідыі

Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.

Грамадства

Камень Узнясення, «Стопачка» і «Руская свечка». Што паглядзець у Іерусаліме?

Камень Узнясення, «Стопачка» і «Руская свечка». Што паглядзець у Іерусаліме?

Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь. 

Грамадства

Справа для народных мсцiўцаў. Пра партызанскiя аперацыi — з першых вуснаў

Справа для народных мсцiўцаў. Пра партызанскiя аперацыi — з першых вуснаў

Цяпер, калi пасля вайны мiнула столькi гадоў, каштоўнасць аповеду яе жывых сведак толькi павышаецца.