Вы тут

МАГАТЭ апублікавала справаздачу па БелАЭС


Вынікі жнівеньскай місіі Міжнароднага агенцтва па атамнай энергетыцы (МАГАТЭ) па Беларускай АЭС — 11 рэкамендацый, восем прапаноў і чатыры добрыя практыкі, якія можна рэалізоўваць на іншых атамных электрастанцыях свету — апублікаваны на сайце агенцтва. Характарыстыкі станцыі на адпаведнасць стандартам бяспекі МАГАТЭ правяралі эксперты з Арменіі, Бельгіі, Бразіліі, Францыі, Нідэрландаў, Расіі, Славакіі і ЗША.


Добрай практыкай на Беларускай АЭС прызналі надзейную сістэму апавяшчэння, якая можа не толькі падаць сігнал трывогі, але і выкарыстоўвацца для выдачы моўнай інфармацыі і інструкцый насельніцтву ў выпадку радыелагічных і іншых аварыйных сітуацый. Сярод найбольш значных рэкамендацый для АЭС адзначаецца неабходнасць палепшыць нагляд і кантроль за праграмамі ўводу ў эксплуатацыю для забеспячэння гатоўнасці станцыі да бяспечнай работы. Эксплуатуючай арганізацыі — дзяржаўнаму прадпрыемству «Беларуская атамная станцыя» — параілі палепшыць праграму прадухілення патэнцыйнага пападання пабочных прадметаў у важныя для бяспекі сістэмы і элементы станцыі.

Падчас візіту прадстаўнікі місіі праверылі 11 кірункаў. У тэксце справаздачы МАГАТЭ адлюстраваны вынікі толькі ў тых абласцях, дзе каманда экспертаў лічыць за лепшае сфармуляваць рэкамендацыі, прапановы і адабрэнні. Іншыя аспекты дзейнасці, якія разглядаліся, але дзе не былі выяўлены прабелы, у справаздачу не ўвайшлі.

Кіраўніцтва станцыі запэўніла, што гатова прыняць паўторную місію МАГАТЭ праз паўтара года.

Ірына СІДАРОК

Прэв'ю: yandex.com

Выбар рэдакцыі

Культура

Народная артыстка Беларусі Ніна Шарубіна: Не скупіцеся на добрыя словы!

Народная артыстка Беларусі Ніна Шарубіна: Не скупіцеся на добрыя словы!

Мы правялі ў кампаніі опернай дзівы ўсяго толькі адзін дзень, але так і не змаглі разгадаць яе таямніцу: дзе ж хаваецца ў яе сутках 25-я гадзіна?

Грамадства

Інтэрвальнае галаданне: чаканні і рэальнасць

Інтэрвальнае галаданне: чаканні і рэальнасць

Сваім вопытам з чытачамі «Звязды» дзеліцца вядомая беларуская тэлевядучая Марыя Лемешава

Грамадства

Дапамога — ёсць! Чым займаецца гэтай зімой Беларускі Чырвоны Крыж?

Дапамога — ёсць! Чым займаецца гэтай зімой Беларускі Чырвоны Крыж?

Людзі, у якіх няма даху над галавой, у першую чаргу маюць патрэбу ў падтрымцы ў экстрэмальных умовах надвор'я.

Спорт

Дзмітрый Ходас: Воля, характар і любоў

Дзмітрый Ходас: Воля, характар і любоў

Як не быць алімпійскім чэмпіёнам, але быць героем спорту.