Вы тут

Ваду з артэзіянскіх свідравін у 2025 годзе будуць піць усе мінчукі


А ў рэгіёнах краіны да гэтага часу з'явіцца 1461 станцыя абезжалезвання. Пра планы праграмы «Чыстая вада» на 2021—2025 гады ў Беларусі расказаў Алег КОНАН, генеральны дырэктар дзяржаўнага вытворчага аб'яднання «Белводаканал».


ДВА «Белводаканал» было створана ў канцы 2019 года загадам Мінжылкамгаса. Арганізацыя ўзяла на сябе задачы правядзення адзінай палітыкі ў галіне водазабеспячэння і водаадвядзення ва ўсёй краіне і аб'ядноўвае ўсе прадпрыемствы водаправодна-каналізацыйнай гаспадаркі Беларусі.

— Вада, якую сёння п'е наш спажывец, абсалютна бяспечная, і там, дзе зроблены станцыі абезжалезвання, яна адпавядае ўсім сусветным стандартам па хіміка-фізічным і бактэрыялагічным складзе, а таксама ў  плане бяспекі, — запэўніў гендырэктар.

Усе планы будаўніцтва станцый абезжалезвання да 2025 года звязаны з забеспячэннем якаснай пітной вадой сельскіх жыхароў. Летась у сельскай мясцовасці збудавалі 272 станцыі, і работа па іх узвядзенні працягнецца як складнік праграмы «Чыстая вада».

Такая ж праграма рэалізоўвалася ў межах Дзяржаўнай праграмы «Камфортнае жыллё і спрыяльны асяродак» у 2016—2020 гадах. З 2018 да 2020-га запланавана пабудова больш чым 700 станцый. На іх узвядзенне за тры гады пойдзе звыш 150 мільёнаў рублёў са сродкаў рэспубліканскага і абласных бюджэтаў.

Спецыялісты Белводаканала займаюцца таксама фінансава-эканамічным аналізам і аўдытам прадпрыемстваў воднай гаспадаркі Беларусі і працуюць з міжнароднымі фінансавымі арганізацыямі, шукаючы грашовыя крыніцы на мадэрнізацыю і рэканструкцыю існуючых сістэм водазабеспячэння і водаадвядзення.

— Сёння мы супрацоўнічаем па рэалізацыі праектаў у сферы водазабеспячэння і каналізацыі з Еўрапейскім банкам рэканструкцыі і развіцця, Сусветным банкам, — удакладніў Алег Конан. — Гэта датычыцца рэканструкцыі ачышчальных збудаванняў каналізацыі, будаўніцтва біягазавых комплексаў, рэканструкцыі сістэм водазабеспячэння гарадскіх населеных пунктаў, будаўніцтва станцый абезжалезвання.

Летась на будаўніцтва 248 станцый абезжалезвання з рэспубліканскага бюджэту выдаткавалі 25 мільёнаў рублёў, з абласных — 28 мільёнаў. У такіх жа прапорцыях і гэткіх жа памерах прадугледжана і сёлетняе фінансаванне.

Ірына СІДАРОК

Прэв'ю: bnkirov.ru

Загаловак у газеце: Праекты для горада і сяла

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.