Вы тут

Патрэбы людзей — у цэнтры ўвагі. Наталля Качанава правяла прамую тэлефонную лінію


На працягу трох гадзін яна атрымала больш за 30 зваротаў з розных рэгіёнаў краіны. Больш за ўсё званкоў было ад жыхароў сталіцы і Мінскай вобласці. Спікер Савета Рэспублікі ўважліва выслухала кожнага, хто да яе звярнуўся, і асобныя пытанні вырашыла адразу ж.


Як паведамілі «МС» у прэс-службе верхняй палаты парламента, значная частка зваротаў датычылася сацыяльнай сферы — гэта і падтрымка шматдзетных сем'яў, і выплата дапамог і пенсій, і адрасная сацыяльная дапамога, працаўладкаванне і аздараўленне.

Так, пенсіянерка з Мазыра, што на Гомельшчыне, расказала, што самотная, адзіны сын жыве асобна і заняты ўласнымі праблемамі. «Хацелася б даведацца, ці магу я разлічваць на нейкую дапамогу, падтрымку, бо адной спраўляцца з усім вельмі цяжка», — падзялілася яна. Старшыня Савета Рэспублікі адзначыла, што ў краіне аказваюцца розныя віды падтрымкі адзінокім пажылым людзям у залежнасці ад сітуацыі, у якой яны апынуліся. Наталля Качанава адразу звязалася са старшынёй Мазырскага райвыканкама і папрасіла дапамагчы жанчыне.

З просьбай аб дапамозе патэлефанаваў і жыхар Іванаўскага раёна Брэсцкай вобласці. Ён паведаміў, што падчас службы ў войску ўдзельнічаў у ліквідацыі наступстваў аварыі на Чарнобыльскай АЭС, але пры налічэнні пенсіі гэта не было ўлічана, бо частка дакументаў, якія пацвярджаюць факт яго ўдзелу, была страчана. «Не магу дабіцца праўды, а гэта пытанне справядлівасці. Маёй віны ў тым, што так атрымалася, няма, і я вельмі разлічваю на вашу дапамогу», — сказаў мужчына. Наталля Качанава паабяцала паглыбіцца ў дэталі сітуацыі, якая склалася.

Таксама з Брэсцкай вобласці патэлефанавала жанчына, якая паскардзілася, што сельгаспрадпрыемства, на якім яна працавала, спыніла сваю дзейнасць: людзі засталіся без работы, ёсць пытанні і па выплаце заробленага. Старшыня Савета Рэспублікі паабяцала, што адзін з членаў Прэзідыума Савета Рэспублікі выедзе на месца і абавязкова разбярэцца ў гэтым пытанні.

Падчас прамой лініі гучалі і калектыўныя звароты. У прыватнасці, адзін са сталічных жыхароў ад імя дольшчыкаў незавершанага будаўніцтва дома паскардзіўся: ужо звярталіся ў Мінгарвыканкам, каб змяніць забудоўшчыка і нарэшце завяршыць будоўлю. Аднак да справы так і не дайшло. «Мы зоймемся гэтым пытаннем і пастараемся вам дапамагчы», — запэўніла спікер верхняй палаты парламента.

Трэба сказаць, што многія пытанні, якія былі адрасаваны Наталлі Качанавай падчас прамой лініі, адносяцца да кампетэнцыі мясцовых улад і маглі быць вырашаны на месцах. Большасць з іх датычылася добраўпарадкавання прысядзібных участкаў, дваровых тэрыторый, рамонту дарог і іншых падобных тэм. Напрыклад, пенсіянерка з Чэрвеня расказала, што самотная і не мае магчымасці самастойна абкасіць траву на ўчастку каля дома. Яшчэ адна пажылая жанчына з Оршы папрасіла паспрыяць у навядзенні парадку на дваровай тэрыторыі. Жыхарка сталіцы звярнулася з просьбай навесці парадак у рабоце кавярні, што адкрылася на першым паверсе дома, у якім яна жыве. Падчас рамонту, які выконваўся на гэтым аб'екце, была парушаная вентыляцыйная сістэма дома. Акрамя таго, жыхарам перашкаджаюць шум і пастаянныя праблемы з прыборкай смецця. Па кожным з гэтых зваротаў Наталля Качанава даручыла мясцовым уладам аператыўна вырашыць праблемныя пытанні і дапамагчы людзям.

На асаблівым кантролі старшыні Савета Рэспублікі — звароты, якія агучваюць шматдзетныя сем'і. Так, жыхарка Ліды, якая выхоўвае траіх дзяцей, папрасіла паспрыяць у вырашэнні жыллёвага пытання: жанчына плануе выкарыстаць сямейны капітал для рэканструкцыі дома, які дастаўся ёй у спадчыну.

Падчас прамой лініі да Наталлі Качанавай таксама звярталіся з пытаннямі, якія датычыліся маёмасных і зямельных адносін, судовых спрэчак, сферы ЖКГ. Асобныя звароты старшыня Савета Рэспублікі ўзяла на асабісты кантроль.

Прэв'ю: БелТА

Выбар рэдакцыі

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы. 

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?