Вы тут

У Віцебскай вобласці каля мільёна рублёў выдаткавалі на фінансаванне рэалізацыі праграмы «Чыстая вада»


У адрозненне ад астатніх рэгіёнаў краіны з бюджэту Віцебскай вобласці ўжо не субсідзіруюцца паслугі водазабеспячэння і водаадвядзення, якія аказваюцца насельніцтву. Гэта стала магчыма дзякуючы стварэнню адзінай спецыялізаванай арганізацыі — УП «Віцебскаблводаканал» з падпарадкаванымі філіяламі, актыўнаму ўкараненню перадавых тэхналогій, мінімізацыі выдаткаў. Цікава, што частку грошай, зэканомленых у выніку арганізацыйных зменаў, — каля мільёна рублёў — выдаткавалі на фінансаванне рэалізацыі праграмы «Чыстая вада».


У тым ліку вялікая эканомія сродкаў на падагрэве атрымалася за кошт выкарыстання мясцовых відаў паліва. У адпаведным паказчыку Прыдзвінскі край — лідар, канстатуе дэпутат Віцебскага абласнога Савета дэпутатаў, начальнік Галоўнага ўпраўлення жыллёва-камунальнай гаспадаркі аблвыканкама Юрый Дзедзела. Аб’ём выкарыстання торфу, шчэпы, дроў — каля 70 %. Эканоміць дазваляе ўстаноўка катлоў з механізаванай загрузкай сыравіны.

Вялікія грошы ўкладваюць і ў мадэрнізацыю цеплавых сетак. Штогод мадэрнізуецца да 5 %. Гэта, зразумела, дазваляе рацыянальна «падаваць градус» у жыллё і да аб’ектаў юрыдычных асоб.

Перадавы вопыт камунальнікаў Віцебшчыны не раз прыязджалі вывучаць з іншых абласцей і прыгранічных расійскіх рэгіёнаў. І, як патрабуе старшыня Віцебскага аблвыканкама Мікалай Шарстнёў, трэба, як кажуць, «кроў з носу», але доўга не зацягваючы, закрыць праблемнае пытанне. У цэнтры Еўропы, тым больш у эпоху Інтэрнэту і высокіх тэхналогій, добрая вада павінна быць у кожнай трубе. А там, дзе няма кранаў, трэба сачыць за працай калонак і станам вады ў калодзежах. Гэта — клопат прадстаўнічых органаў улады на месцах, нагадвае старшыня Віцебскага абласнога Савета дэпутатаў Уладзімір Цярэнцьеў. Асаблівасць забеспячэння вадой спажыўцоў на поўначы краіны — у самай вялікай колькасці населеных пунктаў: іх тут каля 6,3 тысячы.

На сёння якаснай пітной вадой забяспечана каля 95 % насельніцтва вобласці. Несумненна, што ўсё задуманае будзе паспяхова рэалізавана.

У сярэдзіне мінулага года для рэалізацыі інвестыцыйнага праекта «Чыстая вада Віцебскай вобласці» было падпісанае пагадненне паміж аблвыканкамам, Віцебскаблвадаканалам і Еўрапейскім банкам рэканструкцыі і развіцця. Гэтая фінансавая арганізацыя ўзяла на сябе абавязак субсідзіраваць каля 15,5 мільёна еўра. Тэрмін рэалізацыі — з 2019 года да 2022-га.

Запланаванае ўзвядзенне ў глыбінцы 80 аб’ектаў водазабеспячэння. Гаворка ідзе не толькі пра станцыі абезжалезвання вады, але і пра устаноўку новага абсталявання на сельскіх водазаборах.

Па-ранейшаму асаблівая ўвага надаецца Аршанскаму раёну — у межах выканання ўказа, накіраванага на паляпшэнне якасці жыцця. Там летась здалі пад ключ 10 станцый абезжалезвання вады. У цэлым у вобласці да бягучага года пачалі працаваць каля 90 аналагічных станцый, у васьмі населеных пунктах падключылі цэнтралізаваную падачу вады.

Аляксандр ПУКШАНСКІ

Прэв’ю: germania.one

Загаловак у газеце: Мільёны — на развіццё

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.