Вы тут

Сяргей Глазьеў: Ваганні цэн могуць паскорыць перагаворы па агульных рынках нафты і газу ў ЕАЭС


Ваганні цэн на энерганосьбіты могуць паскорыць перагаворы па агульных рынках нафты і газу ў Еўразійскім эканамічным саюзе. Аб гэтым у праграме "Галоўны эфір" на тэлеканале "Беларусь 1" расказаў член Калегіі (міністр) па інтэграцыі і макраэканоміцы Еўразійскай эканамічнай камісіі Сяргей Глазьеў, цытуе БЕЛТА.


Сяргей Глазьеў нагадаў, што ў стратэгічных напрамках развіцця ЕАЭС да 2025 года больш за 300 мер і механізмаў. "Калі гаварыць пра агульныя рынкі нафты і газу, то існуе канцэпцыя, якая афіцыйна прынята, па ёй вядзецца работа. Яна, несумненна, будзе завершана ва ўстаноўленыя тэрміны. Ніхто вырашэнне гэтых задач не адкладае, - сказаў ён. - На сёння ідуць моцныя ваганні ў цэнах на энерганосьбіты. Я думаю, гэтыя ваганні спросцяць хуткасць дамоўленасцей. Паколькі ў сітуацыі нестабільных рынкаў, чым хутчэй дзяржавы паміж сабой дамовяцца, тым хутчэй яны забяспечаць стабільнасць на энергетычным рынку, што вельмі важна для ўсіх галін прамысловасці".

Член Калегіі ЕЭК адзначыў, што трэба дабіцца такога рэгулявання, "каб цэнаўтварэнне на энерганосьбіты садзейнічала эканамічнаму росту нашага саюза ў цэлым". Пры гэтым 2024 год аб'яўлены па гэтым пытанні ў якасці рубежнага. "Я ўпэўнены, што мы за межы бягучага года не выйдзем. Можа, нам удасца раней дасягнуць кансэнсусу па гэтых няпростых пытаннях", - сказаў на заканчэнне ён.

Цяпер жа пры распрацоўцы стратэгічных напрамкаў да 2025 года прадугледжваюцца меры па фарміраванні біржавых механізмаў гандлю нафтай, нафтапрадуктамі, металам, збожжам не толькі ў нацыянальных валютах, але і з еўразійскімі механізмамі цэнаўтварэння. "Нам патрэбна стабільнасць, мы павінны самі планаваць умовы цэнаўтварэння і не залежаць ад рэзкіх ваганняў сусветнага рынку", - заўважыў Сяргей Глазьеў.

ЕАЭС, паводле яго слоў, павінен перамясціцца з перыферыйнага становішча на сусветных сыравінных рынках, стаць цэнтрам цэнаўтварэння і вызначэння структуры рынку нафты, нафтапрадуктаў. "Для нас ёсць унікальная магчымасць сёння прапанаваць азіяцкім рынкам свой механізм цэнаўтварэння. І мы над гэтым будзем працаваць", - сказаў Сяргей Глазьеў.

Адна з важных праблем, якая сёння абмяркоўваецца, але пакуль да канца не вырашана, - гэта прыняцце мер антыманапольнага рэгулявання адносна карпарацый трэціх краін. "Паколькі ўсё ж такі галоўныя канкурэнты - гэта гіганцкія транснацыянальныя карпарацыі, якія манапалізавалі значную частку той эканамічнай прасторы, якая ў нас з'яўляецца адзінай. І хацелася б, каб на гэтай нашай адзінай эканамічнай прасторы ўсё ж такі дамінавалі нашы айчынныя тавары, якія сумесна вырабляюцца прадпрыемствамі дзяржаў ЕАЭС", - адзначыў Сяргей Глазьеў.

Прэв'ю: capital.ua

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.