Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра найбольш актуальныя падзеі выхадных.


1. Футбалісты барысаўскага БАТЭ перамаглі ў дадатковы час брэсцкае «Дынама» з лікам 1:0 і чацвёрты раз сталі ўладальнікамі Кубка Беларусі.

Асноўны час матча не выявіў пераможцу, а ў авертайме лепш пачалі брастаўчане, але затым футбалісты БАТЭ цалкам завалодалі ініцыятывай, і за некалькі секундаў да фінальнага свістка абаронца Захар Волкаў нанёс пераможны ўдар. Нагадаем, раней футбалісты БАТЭ выйгравалі Кубак краіны ў 2006, 2010 і 2015 гадах. За ўсю суверэнную гісторыю ўладальнікамі Кубка Беларусі таксама станавіліся брэсцкае «Дынама», мінскае «Дынама», салігорскі «Шахцёр», бабруйская «Белшына» (па тры разы), двойчы — мінскі МТЗ, «Гомель», наваполацкі «Нафтан» і мазырская «Славія», па разе трафей заваёўвалі мінскае «Дынама-93», гродзенскі «Нёман», «Віцебск», «Мінск» і жодзінскае «Тарпеда-БелАЗ».

2. Жаночы чэмпіянат Беларусі па баскетболе завершаны датэрмінова. Мужчынскае першынство будзе завершана ў верасні. Такое рашэнне прынята на пасяджэнні выканкама Беларускай федэрацыі баскетбола ў адпаведнасці з рэкамендацыямі Мінспорту, Міністэрства аховы здароўя і ФІБА. Такім чынам, выніковыя месцы жаночых камандаў размеркаваны ў адпаведнасці з пазіцыямі, занятымі па выніках другога этапу першынства. Чэмпіёнкамі Беларусі чацвёрты раз запар і шосты ў гісторыі сталі баскетбалісткі «Цмокі-Мінск», «серабро» ў «Гарызонта», бронзавыя медалі ў гродзенскай «Алімпіі».

Што датычыцца спаборніцтваў мужчынскіх камандаў, то вырашальны этап — «Фінал чатырох» — запланавана правесці ў верасні 2020 года. За ўзнагароды будуць змагацца «Цмокі-Мінск», магілёўскі «Барысфен», «Гродна-93» і віцебскі «Рубон».

Нагадаем, што ў мінулым сезоне свой 11-ы запар чэмпіёнскі тытул заваявалі сталічныя «Цмокі», уладальнікамі «серабра» сталі баскетбалісты «Барысфена», «бронза» ў рэзервовага складу «Цмокаў».

3. Экс-першая ракетка планеты Вікторыя Азаранка ў чэрвені мае намер выступіць на выставачным турніры ў амерыканскім Чарлстане. Усяго ў спаборніцтвах, якія павінны стартаваць 23 чэрвеня, возьмуць удзел 16 вядомых тэнісістак. Плануецца, што, акрамя Вікторыі Азаранка, якая займае цяпер 58-е месца ў сусветным рэйтынгу, у Чарлстане згуляюць чацвёртая ракетка свету Сафія Кенін з ЗША, канадка Б'янка Андрыеску (6-ы нумар рэйтынга WTA), амерыканкі Мэдзісан Кіз (13), Элісан Рыск (19), Слоан Сцівенс (37), алімпійская чэмпіёнка — 2016 Моніка Пуіг (90) з Пуэрта-Рыка і іншыя. Тэнісісткі будуць падзеленыя на дзве каманды і правядуць 16 адзіночных і 8 парных матчаў. Турнір пройдзе без гледачоў.

Нагадаем, раней міжнародныя тэнісныя арганізацыі (ІTF, ATP, WTA) у сувязі з распаўсюджваннем пандэміі COVІD-19 адмянілі ўсе афіцыйныя спаборніцтвы да жніўня.

4. У чэмпіянаце Беларусі па міні-футболе вызначыліся ўсе ўдзельнікі паўфінальнай стадыі. Першы ў паўфінал прабіўся пераможца рэгулярнага сезона гомельскі БЧ, які ў 1/4 фіналу двойчы абыграў гродзенскі «УУС-Дынама» — 3:0 і 5:2. У барацьбе за выхад у фінал БЧ будзе спаборнічаць з яшчэ адным гомельскім клубам ВРЗ, які атрымаў перамогу над мінскім «Дарожнікам» — 3:1 і 4:1. Іншую паўфінальную пару склалі аршанскі «Вітэн», які перайграў светлагорскі ЦКК (3:0 і 7:0), і дзеючыя чэмпіёны краіны — спартсмены мінскай «Сталіцы», якія перамаглі па суме двух чвэрцьфінальных паядынкаў «Барысаў-900» — 4:1 і 3:3.

Паўфінальныя серыі да дзвюх перамог адной з камандаў стартуюць 28 мая, фінальная серыя за чэмпіёнскі тытул да трох перамог пачнецца 7 чэрвеня.

Нагадаем, у мінулым сезоне сваё трэцяе «золата» заваявала «Сталіца», якая абыграла ў фінальнай серыі ВРЗ (3:1). Уладальнікам бронзавых узнагарод стаў «Вітэн», які перамог у серыі за трэцяе месца БЧ (2:1). Самым тытулаваным клубам з'яўляецца мінскі «Дарожнік», які шэсць разоў станавіўся чэмпіёнам краіны.

Дар'я Лабажэвіч

Загаловак у газеце: Футбольны Кубак краіны зноў застанецца ў Барысаве

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.