Вы тут

Беларуская калякамп’ютарная казка


Яраш Малішэўскі, Аксана Спрынчан. Малочны кактэйль для вужынага караля, альбо Калякамп’ютарная казка. Мінск, Мастацкая літаратура, 2019.

Паэтка Аксана Спрынчан i музыка Яраш Малiшэўскі падарылі беларускім дзецям цікавую і незвычайна аформленую кнігу: яе старонкі ўдаюць на экран камп’ютара. З яго, камп’ютара, усё і пачынаецца для гераіні казкі. І з малака... Дзяўчынка Альдона бавіць шмат часу за маніторам, а побач з ёю стаіць паўнюткі кубак з малаком. З “малочнай прадмовы” мы даведваемся, што ўсе людзі падзяляюцца на тых, хто любіць малако, і тых, хто яго не любіць. Альдона акурат належыць да другога тыпу. Аднойчы, пакуль яна сядзела за камп’ютарам, малако з яе кубка знікла, а з-за музычных калонак выпаўзла змяя – сучасны Вужыны Кароль. Ён застаўся жыць у Альдоны і стаў з ёю сябраваць. Прыйшоў час маці дзяўчынкі здзівіцца, што дачка раптам стала выпіваць багата малака.

Вуж не толькі рэгулярна спусташае кубак Альдоны, але і ўмее хвастом адбіваць на клавіятуры тэкст. А піша ён розныя рэчы. Напрыклад, пра тое, што скарбы ў самім чалавеку схаваныя, толькі не кожны здольны іх знайсці ды развіць, бо на тое высілкі патрэбныя. Разам з Вужыным Каралём Альдона складае вершы, дапамагае затрымаць злодзея, перамагае ў конкурсе ў Пружанах і даведваецца, чаму вужы не кажуць “Добрай раніцы”, а толькі “Добры дзень”. Незвычайны сябра расказвае Альдоне пра неўзаемнае каханне Вужа і ператварэнне яго ў камень, тлумачыць пра дзень Узвіжання, калі змеі сыходзяць у свой змяіны вырай. А ў фінале ператвараецца ў хлопца-праграміста. Такі традыцыйны хэпі-энд мае калякамп’ютарная казка.

Алена Брава.

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.