Вы тут

«Партызанскае жыццё — яно што пекла»


Гадоў 20 назад мне давялося сустрэцца з былым асабiстам атрада партызанскай брыгады iмя Кiрава Рыгорам Савiчам Юрцэвiчам, якi, згадаўшы перажытае, сказаў, што партызанскае жыццё — яно што пекла: зiмой трэба было адпакутаваць ад завей ды траскучых маразоў, вясной — ад разлiваў вады, летам — ад гнюсу, амаль круглы год — ад пагрозы голаду. I хiба аднойчы...


Восенню 42-га карнiкi знiшчылi жыхароў вёскi Сiтнiцкi Двор, у вынiку палi, што яны засеялi, засталiся нiчыйнымi i, мiж iншым, абяцалi добры ўраджай.

Сабраць яго, згодна з данясеннямi партызанскiх сувязных, збiралiся акупанты. На 27 лiпеня з усiх навакольных вёсак былога Ленiнскага (цяпер Лунiнецкага) раёна яны фармiравалi абоз: пад пагрозай зброi палiцыя збiрала сялян з вазамi, мужчын з косамi ды жанок з сярпамi...

Камандаванне партызанскага атрада iмя Сталiна паставiла баявую задачу: не даць ворагу нiводнага зярняцi, а калi гэта не ўдасца, — спалiць жыта на коранi.

Такiм чынам у «дзень жнiва» на дарозе Сiнкевiчы — Сiтнiцкi Двор партызаны (на дапамогу iм былi кiнуты баявыя рэзервы яшчэ двух атрадаў брыгады iмя Кiрава) зранку выставiлi дазоры, замiнiравалi мост, арганiзавалi засады. Камандзiр узвода Андрэй Максiмавiч Качына i камандзiр аддзялення Рыгор Савiч Юрцэвiч улiчылi кожны штрых будучага бою.

I ён адбыўся. Партызаны адкрылi агонь паверх калоны, бо ў пярэднiх шэрагах iшлi мясцовыя жыхары, пасеялi панiку, у вынiку якой немцы спешна развярнулi фурманкi...

А надвор'е тады стаяла добрае, таму штаб брыгады прыняў рашэнне без адкладу прыступiць да ўборкi ўраджаю. Усе партызаны, нават дзецi з сямейных лагераў ды жыхары навакольных хутароў Хобата, Манасеева, Рэдзiгерава выйшлi на жнiво. Паблiзу, на Крашчуковай горцы, некалькi дзён гулi конныя малатарнi. У вынiку ўсё жыта было даведзена да ладу i звезена на захаванне пад павецi i ў спецыяльныя буданы.

...Пазней загадчык гаспадаркi Iван Яўсеевiч Скрыпка раздабыў у вёсцы Броднiцы паравы млын, побач з iм пабудавалi пякарню. У партызан з'явiўся свой хлеб, якога хапiла аж да вызвалення.

Сцяпан Нефiдовiч, пенсiянер, краязнавец

аг. Любань Лунiнецкага раёна

Загаловак у газеце: На свой хлеб

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.