Вы тут

«Звязда» згадвае дзетак, якiя ў розныя гады былi вядучымi на беларускiм тэлебачаннi


Ва ўсiм свеце ў першы дзень лета адзначаецца Мiжнародны дзень абароны дзяцей. Напярэдаднi свята «Звязда» згадвае дзетак, якiя ў розныя гады былi вядучымi на беларускiм тэлебачаннi, i тыя праекты, дзе яны праявiлi сябе.


Соня Багавец была, бадай, самай юнай вядучай. Дзяўчынка ў пяцiгадовым узросце прыйшла на праграму «Не пазяхай!», у якой дзяцей вучылi ў працэсе гульнi. Яшчэ на этапе кастынгу дзяўчынка скарыла журы сваёй непасрэднасцю. У 2005 годзе праект i юная тэлевядучая былi нават адзначаны нацыянальнай прэмiяй «Тэлевяршыня». Праз некалькi гадоў гледачы маглi ўжо ўбачыць Соню ў лiку дзяцей — вядучых праекта «Свая кампанiя», якi ў гульнявым фармаце адлюстроўваў рэальнае жыццё дзiцячай аўдыторыi. Размову з ёй стваральнiкi праграмы iмкнулiся весцi на роўных, у тэлегледачоў нават была магчымасць стаць удзельнiкамi праграмы — яны дасылалi свае гiсторыi на пошту праекта, а потым аўтары самых цiкавых аповедаў траплялi на здымкi.

Маша Рудзеня — адна з дзяўчат-вядучых, якiх помняць прыхiльнiкi праграмы «Бухта капiтанаў». Яе ўдзельнiкi шукалi «скарб», выпрабоўваючы сябе ў разнастайных прыгодах i спаборнiцтвах. Толькi самыя адважныя маглi трапiць у легендарную Бухту (яе з дапамогай дэкарацый будавалi ў спарткомплексе «Стайкi»). Кожная гульня складалася з конкурсаў — спартыўных, творчых i iнтэлектуальных. Кiраваў спаборнiцтвам Камандор (Арсенiй Сядоў, «Радыус FM»), а Маша выконвала ролю Юнгi. Паколькi дзяўчынка з пяцi гадоў займалася спортам, то ўдзел у тэлепраекце стаў для яе, можна сказаць, магчымасцю не развiтвацца з любiмым заняткам.

У гэтым жа праекце i ў тым жа амплуа выступала i Ангелiна Марцiнкевiч. Да таго яна была заўважана ў праграме «Свая кампанiя», а потым мiнская школьнiца зноў з'явiлася на экране ў ролi ранiшняй феi Заранкi ў праграме «Дабраранак». Там яе роля як малодшай сястрычкi Феечкi з «Калыханкi» заключалася ў тым, каб ствараць цуды для самых маленькiх.

Тыя, хто памятае праекты беларускага тэлебачання «Вас выклiкае Спартландыя» i «Сузор'е надзей», мяркую, згадаюць i iх вядучую Вольгу Сацюк. Цяпер яна ўжо працуе на праграме «Сто песень для Беларусi», а тады пасля ўдзелу ў першым мiжнародным дзiцячым конкурсе «Еўрабачанне» атрымала прапанову стаць на экране сувядучай Хiтошкi i называцца Шансi. Гэта быў шанц для юнай артысткi не толькi прадэманстраваць сябе ў новай ролi, але i прайсцi школу Нiны Шобы, якая з'яўляецца непасрэдным аўтарам многiх праектаў для дзяцей на айчынным тэлебачаннi. Напрыклад, тая ж праграма «Вас выклiкае Спартландыя», што выходзiла працяглы час, i нязменна ў прамым эфiры, натхнiла пакаленнi настаўнiкаў i вучняў спаборнiчаць на стадыёнах. А праекты «Усе мы родам з дзяцiнства» i «Сузор'е надзей» былi, лiчы, папярэднiкамi папулярных сёння талент-шоу.

Спрабавала сябе ў ролi тэлевядучай i юная пераможнiца мiжнароднага дзiцячага конкурсу «Еўрабачанне-2005» Ксенiя Сiтнiк. Спачатку з'явiлася ў эфiры музычна-забаўляльная перадача «Дзiцячы час з Ксенiяй Сiтнiк» (гасцямi былi артысты беларускай эстрады, з якiмi вядучая абмяркоўвала iх дзяцiнства i школьныя гады), а на змену ёй прыйшла перадача «Наша пяцёрачка» (у фармаце хiт-парада). Дарэчы, быў час, калi на праграме ў якасцi сувядучага мы маглi бачыць Андрэя Кунца.

Яркай старонкай у гiсторыi дзiцячых праграм на беларускiм тэлебачаннi сталi пазнавальныя праекты «Нясумны глобус» i «Беларусь i я» (прыйшоў на змену праграмы «Экспедыцыя»). Кожны з iх даваў сваёй тэлеаўдыторыi магчымасць здзяйсняць завочныя падарожжы па Беларусi i за мяжой. Сярод вядучых «Нясумнага глобуса» былi, напрыклад, Арына Аляшкевiч, Антон Акеневiч i Iван Шапо.

У праграме «Класная гадзiна» («Беларусь 4» Гомель) у якасцi вядучай паспела паспрабаваць сябе юная спявачка Ксенiя Галецкая (пераможца многiх песенных спаборнiцтваў, у прыватнасцi, Мiжнароднага дзiцячага музычнага конкурсу «Вiцебск-2019»). На праект Гомельскага тэлебачання яна трапiла спачатку як госця праграмы, а потым ужо i ў ролi вядучай. Праект, створаны ТРК «Гомель» i Галоўным упраўленнем адукацыi, сёння знаёмiць сваю аўдыторыю з жыццём, захапленнямi сучасных падлеткаў як у школе, так i за яе межамi. А арыентуюць тэлегледачоў у гэтых падзеях iх аднагодкi.

Цяпер у тэлеэфiры таксама ёсць шэраг праграм для дзiцячай i падлеткавай аўдыторыi. Кожная з iх адметная i мае сваiх герояў. Але гэта ўжо асобная тэма для размовы.

Алена ДРАПКО

Фота дадзены Белтэлерадыёкампанiяй

Загаловак у газеце: Тэлезорачкi (з) дзяцiнства

Выбар рэдакцыі

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы. 

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?